根據版主收到的風指出，呢間唔知乜嘢台，其實係同數碼通 SmarTone 有關！有留意，數碼通呢半年其實靜靜雞，推出左唔少完全睇唔到同數碼通有關嘅流動通訊服務，包括推出隻字不提數碼通嘅「激 ValueGB 儲值卡」與及賣廣告，賣到以為是一間本地好勁嘅 Start Up 「自由鳥」旅遊 SIM 服務 。有留意，呢 D 服務，都係比起用真數碼通品牌嘅用戶，有更加平，但類同嘅服務。
（版主收風：今次佢地會用「自由鳥」呢個品牌，推類似 CMHK mySIM 與 csl 嘅 Club SIM 服務，而係數碼通嘅編制上面，「自由鳥」與 SmarTone 係獨立運作嘅。）
咁樣做，佢地唔駛專登用「數碼通」三個字玩減價啦。
邀請函上其實透露了少少新服務的特色：「飛約」(飛走合約，免簽約)、「不用 $18 行政費」、「靈活彈性」。事實上，在討論區流傳緊一張服務計劃，係比「數碼通」任何一個服務計劃都要平，仲唔使合約！
$30 一個月，可以有無限社交通訊 App 數據 、無限短訊以及 10000 通話分鐘。
$60 一個月，可以有無限社交通訊 App 數據、無限短訊以及 10000 通話分鐘，再加 1GB 無限制用途Data
$90 一個月，可以有無限社交通訊 App 數據、無限短訊以及 10000 通話分鐘，再加 5GB 無限制用途Data
無限社交通訊 App 數據，包括 WhatsApp、FB Messenger、LINE、Instagram 及 WeChat。
圖片來源：HKEPC
星期一，全港免費派 SIM
另外，邀請函上亦寫着：「作為開台第一波，將邀請全城一齊無條件免費試用，體驗高速流暢而貼地的新服務，活動當日將會公布詳情細節。」即係免費派 SIM，日期就係下星期一 29／1 下午
你可以先玩過用過，先再決定用唔用佢個 Plan，似乎對自己推出個服務好有自信。網友又 buy 唔 buy 呢個新手機台呢？
按呢到有最新資料：數碼通旗下自由鳥全港派 SIM！Free 兩個月 5GB FUP 無限上網