主打 136 粒 SWAROVSKI 寶石！SUGAR 2 香港發佈
這次發佈的 SUGAR 2 是第二代的 SUGAR 重點機，亦係 SUGAR 在港推出的第三部手機。外型上同以前所推出的手機一樣以 SWAROVSKI 水晶作為手機外型的主要元素，而係規格上， SUGAR 2 用上左 5.2吋 FHD 解像度的 AMOLED 屏幕，處理器就係 MTK 的 1.7GHz MT6752 八核處理器，再配上 2GB RAM 同埋 16GB Rom （支援 MicroSD 插卡）。而係相機方面就係 1300 萬像素主鏡頭同埋 800 萬像素前鏡頭。而電池方面就係內置式的 2600mAh 電池，運行的 Android 版本就係 4.4.4 。在開賣細節方面， SUGAR 2 定價為 $4680 ，在 5 月 21 日正式開賣。
外型有故事
SUGAR 品牌嘅手機，一定要講是外型設計。SUGAR 是寶石品牌施華洛奇 Swarovski) 的跨界合作伙伴， 今次是第三個款式了，SUGAR 2 依然是採用超高的技術，把寶石鑲嵌係手機上面，令 SUGAR 2 增添貴氣。資料顯示，SUGAR 2 是全球首部機身鑲嵌 136 顆 SWAROVSKI 人工寶石的手機，並通過炫美瑩彩切割工藝 (Swarovski Pure Brilliance Cut)，裁切出 57 個切割面，令手機機側，有媲美鑽石的奪目光彩 。與前作相比，SUGAR 2 採用歷時 408 分鐘 的「迫鑲 」工藝 ，再以 272 分鐘精工打磨等工序，將甄選直徑 22.75mm 的每一顆寶石牢固嵌入機身，令人工寶石與機身混為一點。「迫鑲 」工藝令 SUGAR 2 的機側有，有著寶石的光芒，但不會界手，手感比較自然，增加實用性。
▲ 圓潤機身，加上香檳色流線型機殼，好有歐洲感覺。
▲ 機身鑲嵌 136 顆 SWAROVSKI 人工寶石。
▲ SUGAR 2 以航空級鋁物料為底板。
▲ 機身好薄，只有 7. 8mm 、重 120 克
相機支援光學防手震 + 5.2 吋特大高清芒
外型夠仔細外，以手機角度，SUGAR 2 係一部中上級數嘅手機。先講屏幕，SUGAR 2 個芒有 5.2 吋咁大，支援 Full HD 解像度，用上 Super AMOLED 材質，除了慳電外，就係可以顯示鮮艷嘅色采。相機部份，配有 OIS 光學防手震 F2.2 特大光圈鏡頭，能拍攝 1300 萬像素相片，前鏡亦有 800 萬像素，光圈更大至 F2.0。SUGAR 2 嘅相機，有前置及後置 LED 補光燈。除了專業模式，令女性用家都可以透過調教相片設定，拍出最好的相片，亦可透過 一鍵美顏拍照功能，拍照時同處理去眼袋、 去眼袋、 大眼、 瘦臉、 亮眼、滑膚美白等效果。
▲ 左面是 HTC One M9 右面是 SUGAR 2，可見用上 SuperAMOLED 芒嘅 SUGAR 2 屏幕偏冷。
▲ 在 FULL HD 解像度下，文字都顯示得好清楚。
▲ SUGAR 2 前後置相機都有補光燈設計。
▲ 以上是用 SUGAR 2 拍出來嘅相片，留意夜拍部份，由於支援光學防手震，效果不錯，相片顏色正常，亦唔會咁易鬆。
效能先決
SUGAR 2 用上 MTK 八核心處理器，再配合 2GB RAM。呢粒 MT6752 都算係比較新系列，剛剛推出 Sony Xperia C4 Dual 與好多網友喜歡嘅魅藍 Note 都係用呢粒 CPU。效能大約等於 Qualcomm 嘅 S800，使 SUGAR 2 有高檔級手機嘅效能。另外一提，一部外型掛帥嘅 SUGAR 2 其實好實用，帶返中國大陸用都得，因為香港版支援中港 3G 4G 網絡，打得通中國移動係大陸嘅 4G TD-LTE 及 3G TD-SCDMA 網絡，方便中港兩邊走嘅女性使用。
▲ AnTuTu 有四萬一千分，好過 Qualcomm S615 但未去到 S800 CPU 嘅級別，總之是中高檔效能嘅手機。而用來測試瀏覽器效能嘅 Vellamo Browser 部份，排名入三甲，代表用瀏覽器上網找資料，會覺得很順暢。
▲ SUGAR 2 用上自己介面，充滿寶石感覺。