今次推出嘅 Quick Charge 3.0 首次採用了由 Qualcomm Technologies 開發嘅最佳電壓智能協商 (Intelligent Negotiation for Optimum Voltage，INOV）算法，利用 INOV，可以喺任何時候都保持最佳功率輸出，達至最大效率。
據消息指，Quick Charge 3.0 可以喺大約半個鐘時間就將一部手機由零電量叉到 80%。唔好講笑，呢個速度真係我以前無想像到! 邊個可以相信真係可以半個鐘就叉到 80%？版主記得以前要叉滿一部手機嘅電，起碼都要等 2-3 個鐘，而家分分鐘只需要 1 個鐘就可以叉滿電! 真係比之前更方便更有效率呀!
同 Quick Charge 2.0 相比， Quick Charge 3.0 嘅效率比上一代提升左 38%，充電速度亦快左差不多 27%，而且亦都可以減少功率損耗達 45%。唔單止係咁，Quick Charge 3.0 另外亦採用左一啲方法保護電池嘅壽命，咁樣可以提升效率之餘，仲可以更加耐用!
以前 Quick Charge 2.0 果陣時呢，淨係提供左 5V, 9V, 12V, 20V 四檔唔同嘅充電電壓。而家 Quick Charge 3.0 呢，佢可以提供 3.6V 至 20V 嘅充電電壓，每 200mV 為一檔，令你可以更靈活選擇，咁亦都可以達至降低電量流失、提高充電效率嘅效果。
講左咁多，我地而家去片睇下 Quick Charge 3.0 嘅宣傳片啦!
嘩! 聽落去 Quick Charge 3.0 真係快速充電技術嘅一大突破喎! 版主都好想啲體驗一下到底實際真係有幾快! 不過呢種技術要到下年先會上市，唯有耐心等下啦! 大家對於呢種 Quick Charge 3.0 有無興趣?