只需 HK $499，可為近廿款三星手機／平板延長保養期
繼 S7 系列額外送一年保之後，Samsung 再推出「延長保養計劃」，只需 HK $499，就可以為你的手機或者平板延長一年保養，手機方面不單止 S7、S7 Edge，甚至是舊款的 S5、S6、S6 Edge、S6 Edge+、Note 4、Note 5、Note Edge、A3、A5、A7、A8 以及 A9，都有得延長保養。至於平板方面，則有 Tab S2 8.0／9.7 以及 Tab S 8.4／10.5。不過，俾左 HK $499，到底有無伏，係咪就可以確保兩年保平安呢?
▲ 除左 S7、S7 Edge 之外，今次 Samsung 呢個「延長保養計劃」，仲適用於以上的手機型號。
如何購買「延長保養計劃」? ...... 手續跟之前一樣繁瑣
如果你係使用以上的手機型號，想購買呢個「延長保養計劃」，咁應該點做呢? 首先，你要確保你的手機／平板仍在保養期內，這個計劃在首年原廠保用期內任何時間都可以購買。其次，你的手機／平板需要在指定「特約經銷商」購買 (有關特約經銷商名單，請按這裡)，如果唔係亦都無得延長保養。
在 Samsung 這次「延長保養計劃」的宣佈單張上，購買程序寫到好簡單咁：
但事實係唔係真係咁簡單? 當然唔係! 完成了以上三大步驟之後，其實你仲有後續程序要做。經向 Samsung 職員查詢後得悉，無錯以上三步係完成登記，你會收到一張「延長保用計劃通知書」。但同 S7 系列額外送一年保一樣的地方是，在首年保養期之後，你係需要攜帶你的「延長保用計劃通知書」，再去多次服務中心確認第 2 年保養，咁先可以成功續保。緊記! 千祈唔好唔見張通知書 x 3 （好重要!) 因為如果不見了的話，就會失去保養! S7 系列果陣都仲好啲，因為係免費，但如果今次呢個你唔見左通知書，你就會等於白白失去了 HK $499!
唔係俾左 $499 就保平安! 好多野都係無得保!
之前免費送，就話未必保到咁多姐! 以為今次要收錢，就咩都有得保? 少年你太年輕了! 雖然今次錢就照收，但額外 1 年的保養範圍依然同首年的不同。根據 Samsung 流動電話及平板電腦延長保用計劃的條款，以下兩點係好值得注意的：
▲ 的確，相比上次「S7 系列額外送一年保」，今次的條款及細則寫得清楚好多，寫到明有啲乜野無得保，呢點比上次係有進步的。但，似乎在這額外一年的保養入面，好多野都無得保，咁可想而知，$499 額外一年保保到啲乜? 自己諗下啦! (有關延長保養計劃條款及細則，請按這裡)