全金屬一體式機身
機海是罪？版主一直覺得唔係。係 Android 手機最吃得開的三星，咪一樣！去到七月份，係香港已有八款手機! 係 Note 7 未推出之前，仲有多兩款！預計未去到第三季，三星係 2016 年會係香港推出達十款手機，破晒記錄! 版主收到風，七月份，三星會力谷兩款由大中華區搶先推出嘅 Galaxy C7 與 C5。由外型與三星的介紹，都知道佢地似乎唔抵得全城都要用「全金屬一體式機身」，要出番兩部應下景。Samsung Galaxy C7 與 C5 嘅外型，大家一睇就會，嘩! 咁熟面口！雖然如此，C7 與 C5 規格，卻係好感人嘅。Samsung Galaxy C7 係一部 5.7 吋 Full HD S-AMOLED 屏幕手機，用 Qualcomm S625 處理器，有 32GB ROM 或 64GB ROM，行 4GB RAM 跟高階機睇齊。C5 就係 5.2 吋 Full HD 版本，有 32GB ROM，但用 Qualcomm S617 處理器。兩款手機都會用上 1600 萬像素 F1.9 大光圈鏡頭，前置鏡頭則為八百萬像素。C7 會用上 3200mAH 電池，而 C5 會用上 2600mAH 電池。兩款手機都係中港 3G / 4G 雙卡雙待，用上 microSD + nano SIM 設計，相信係其中一個缺點來。兩款手機都加入一個叫 Ultra High Quality Audio (UHQA) 功能，可以把普通音樂音質提升至近 Hi-Res 原音，但比較有趣嘅係，Samsung 無講過 C7、C5 有 Hi-Res 認證，更加唔好講話支援 Hi-Fi 原音了。
▲ 由於 C5、C7 在中國大陸首發，所以都有實機 Handson 試玩，睇了之後，大家覺得 C5、C7 合你心意嗎？
▲ 至於唔少網友談及嘅 Samsung Galaxy A9 Pro ，行貨應該係香港推出嘅機會不大。