平價 4G 八核？ ZTE Blade S6 將於 1 月 28 號發佈

Lawrence 2015-01-24 15:35 | ZTE

以 2014 年計， ZTE（中興）推出的國產水貨機係性價比方面都算唔錯。係今年一眾大陸牌子紛紛「升 lv」唔再玩平價抵玩改做賣規格但價錢唔再平的時候，相信好多朋友都好期待究竟 ZTE 今後推出的新機能否 keep 到高性價比。近日 ZTE 就宣佈黎緊 1 月 28 號會係香港發佈新機 Blade S6 ，想知佢規格係點，夠唔夠吸引？不妨睇埋下文啦！



傳聞中即將會發佈的 ZTE Blade S6 係規格上實在算唔上頂級，可以預期售價都應該唔會太貴。係硬件規格上 ZTE Blade S6 除左支援 4G LTE 之外，據說會用上 5.5吋 1280 x 720 解像度屏幕， MTK MT6752 1.5GHz 八核處理器同埋 2GB RAM 以及 16GB 內置容量（支援 32GB插卡)。而相機方面就用上左 800 萬像素主鏡頭同埋雙閃光燈。詳細資料好似電池容量等等可能就要到正式發佈前先知。雖然硬件方面吸引力真係唔太夠，但版主覺得如果支援雙卡同中港 4G 而且售價夠平應該仍然係有吸引力嘅，唔知大家又點睇呢？



▲ 相比起硬件規格， Blade S6 外型似足 iphone 6 係早前引起的迴響更加大，不過對國產機稍為有留意的朋友相信都已經見怪不怪啦。

來源：ubergizmo、phonearena