先介紹功能
LG V10 雖然跟 LG G4 都係用上 1600 萬像素後置鏡頭，同樣係 F1.8 大光圈加 OIS 光學防手震，但其實加了不少功能。最重要係，無論係拍攝相片與短片，都有功能上嘅升級。想知係乜？我係記者會現場，拍了 LG 有關嘅介紹，令大家易明 D。
▲ 今日記者會上都介紹左唔少嘅 LG V10 相機上嘅新功能同特點。
▲ 拍攝功能方面，LG V10 新增用多畫面拍攝，當中嘅多畫面拍係可以一格一格分開不同時間去影，而都可以同時都可以一時間去影都可以，呢個功能真係現今市面上唯一一個可以玩到呢個功能嘅手機。
▲其次，LG V10 都同 LG G4 一樣有影相嘅 M Mode (手動模式)，用家可以影相調校感光、快門、色溫甚至可以選擇RAW，拎黎影唔同野都容易地掌握。M Mode 更可以係短片拍攝部份使用！
▲最令人驚喜嘅係 LG V10 配備左 3 個獨立收音咪，同時可以調校拍短片時嘅收音方向、收音聲量大小及降噪選項，呢個功能應該會令到手機拍攝嘅收音會有更好嘅效果。當拍攝時候可以使用耳機即時收聽拍攝嘅音量，從而令到拍攝嘅收音會有更好嘅效果。
▲ 除此之外，仲有一個名叫 Snap Video，呢個功能係咩呢 ? 一講你就會諗起 HTC Zoe，因為呢個功能只係將一段又一段 3 秒鐘嘅片合成一條一分鐘嘅片，而呢一段又一段 3 秒鐘嘅片都可以配合到多重畫面拍攝，直接咁講應該係你可以多重畫面拍攝 / 前鏡 或後鏡咁影左一段又一段 3 秒鐘嘅片去整合。
▲ LG V10 採用左 1600 萬像素光學防手震 OIS 2.0 F1.8 大光圈鏡頭。不過首先講下 LG V10嘅前鏡頭先啦，佢使用左兩組 500 萬像素嘅自拍鏡頭，一個係 80” 標準鏡，另一個係 120” 嘅超廣角鏡，不過要注意一下喺120” 嘅超廣角鏡下，影相會係變形，我都有張相示範一下。
▲ 呢兩張就係 LG V10 用 120” 嘅超廣角鏡下效果，唔係講笑真係好廣角，有 D搞笑唔關事嘅人都入左鏡 (右面)。
▲ 不過小心嘅係 120 度廣角係有機會影到相片兩旁都變型，企係旁邊嘅朋友，可能個樣都變埋架。圖中就係用 前置 120 度廣角拍攝，兩旁變型效果，一眼睇得出。
LG V10 拍攝成像挑機 Samsung Galaxy Note 5
大家都好想知，LG V10 拍出嘅相片，Keep 唔 Keep 到 LG G4 嘅水準，唔講咁多，不如直接俾大家睇下 LG V10 同埋死敵 Samsung Note 5 影嘅相對比下，大家都係同一個家鄉。以下相片左邊係 LG V10，右邊係Samsung Galaxy Note 5 都係用自動模式，係日間拍攝
▲在上面測試相可見，兩部機喺日間嘅表現已經睇到有所差別，Note5 在顏色光線都相對 LG V10上感覺貼近現實。暗位嘅地方，大家可以睇到其實 LG V10 喺影相上白平衡一般般，喺地鐵中兩張相，大家可以睇到同 Note5 相比下明顯地睇到 Note 5 顏色相對 LG V10 上較飽和，而睇到 LG V10 有所失真，相反 Note 5 都較貼近即場肉眼睇到顏色，可見 Note5 在顏色控制下有較好嘅表現
以下相片左邊係 LG V10，右邊係Samsung Galaxy Note 5 都係用自動模式，係夜間拍攝
▲ 喺夜拍方面，睇到尾二張相逆光下嘅表現，從相嘅左上角「卓悅」看到，Note 5 逆光下嘅表現好過 LG V10 ，從中睇到 Note 5 顏色還原較好，明顯地睇返到隻字，此外最後一張相睇到 Note 5 喺多光點下都有好嘅表現，較為接近現實，所以喺主鏡頭影相方面 LG V10 似乎敗給 Note 5 手下。
小結
今日記者會可見成篇新聞稿大部份嘅內容都係講緊 LG V10 嘅相機，可見 LG 對其定位都係主打影相靚，雖然輸左俾 Note 5 （錄影未試)，但喺功能上（廣角自拍、21:9比例嘅攝像）去補返呢項嘅失分，加上新嘅功能嘅實用性都大，而在影相相信可以在軟件控制上可以解決，小弟還是對呢部機有好大期望，希望 Firmware 升級後，效果會更上一層樓。在文章發佈時， LG V10 定價為 $5698 ，按此看手機詳細規格及最新賣價。
LG V10 發佈會相關文章
LG V10 版主上手! 跑分、屏幕、音質、雙屏幕立即試!
LG V10 相機強項要認識! 即時 PK Note 5 結果你要知
LG V10 香港定價已出，配備有好大驚喜
你問，我答! 16 個你想知嘅 LG V10 Q & A!
