今代嘅 Nexus系列相機明顯在相機上有下了功夫，一除過往 Nexus系列手機在相機表現一般的，因為今次採用左一粒 1,230 萬像素的 F2.0 光圈鏡頭組件，而且支援雷射對焦功能，都支援 4K 解像度攝錄。呢粒鏡頭組件的特色是其影相的像素面積為 1.55 μm，相的像素面積愈大，代表左佢地每一粒像素嘅吸光面積大左，吸嘅光多左意味住喺夜拍上會有更好嘅效果，相對唔少的手機所影出黎嘅像素面積大，喺規格上係好過 iPhone 6s，不過就無好似 iPhone 6s Plus 有OIS防手震。
先唔好講咁多技術，就直接俾大家睇下影相係點。喺影相前講下個手機介面，Nexus 5X 相機使用了 Google Camera，所以介面同 Google Camera一樣，特色係簡單，你可以睇到嘅係真係好簡單嘅介面，只有快門制、前後鏡頭切換制、HDR設定、閃光燈設定同埋影相計時器。
而攝影方面都有快門制、前後鏡頭切換制、閃光燈設定同埋 FPS設定。
講下影相先啦，而我都分左 3 Part 去影，分為日間同夜拍。不過喺日拍方面，因為我影嘅時間係下午5點幾，應該個天係暗左D，今次影相會同接近價位同規格嘅 LG G4 作對比。
（左邊為 Nexus 5X，右邊為 LG G4）
Nexus 5X先嬴一仗
喺日間方面見到 Nexus 5X 相對 LG G4 較為貼近現場環境，大家明顯地睇到 LG G4 日間自動測光結果都係偏光，顯出畫面比較蒼白，較明顯嘅可以睇下第二張相、第三張相同埋最後一張花嘅相，整體上 LG G4 相片未能還原現場環境應有的色彩濃度。在日拍方面我覺得 Nexus 5X 嬴了LG G4。（左邊為 Nexus 5X，右邊為 LG G4）
LG G4 夜拍小勝 Nexus 5X
喺夜拍方面，第一張相明顯地睇到 Nexus 5X 喺大面積像素下吸光的優勢，至少可以睇到辦公室枱同椅，而 LG G4 就乜都睇唔到咁制。不過去到街嘅夜拍見到，Nexus 5X 喺第二、三張相所影到嘅野無 LG G4 咁銳利亮麗， LG G4 夜間嘅相顯出應有的光暗對比度，顏色討好之餘，亦不失較大程度還原肉眼所見的情況，尤其在第三張相中嘅旗幟睇到同 Nexus 5X 差別。不過喺最後一張反而 Nexus 5X 在室內夜拍上真實過 LG G4。小結：Nexus 5X 同 LG G4 難分天下
從規格上2部機各有優勢，如 LG G4 有F1.8 超大光圈 1600 萬像素鏡頭、OIS 光學防手震 2.0，而 Nexus 5X 就有大面積影相的像素，從規格上各有好處，而在實際拍攝上 Nexus 5X在日間拍攝會好過 LG G4，但在夜間就相反，可見兩部機都各有好處，所以真係難分天下。不過，LG G4有嘅係可以用佢嘅專業模式影相去補返喺極暗環境嘅不足。另外，撇除本身 G4 硬件規格係好過 Nexus 5X，例如有得插卡換電，假若價錢相差不大，我會選擇 LG G4。按這裡有 LG Nexus 5x 外型、跑分評測
LG Nexus 5X (16GB) 在文章刊登時，建議零售價為 HK $3398，按這𥚃有詳細規格及最新賣價。
Google Nexus 5X (16GB) 在文章刊登時，建議零售價為 HK $3398，按這𥚃有詳細規格及最新賣價。
