型仔日系設計，Sony Xperia X 系列二千有找，網友覺得抵嗎？
很多時候，一講到千元機，就會有唔少網友批評，又話版主推介埋啲垃圾機。事實上，平心而論，好多時候真係一分錢一分貨，千幾蚊貨仔，又唔想要大陸機，你想要幾勁先？千元機黎講，版主唔會有太多要求，反而我會比較重視外在美，而版主一直覺得，Sony 手機的設計是最好的，當中一部今年推出的 Xperia XA，版主用過，手感的確不錯，而且適合單手操作，可惜就是用上 MTK Helio P10 處理器，有時用落未必咁順。而這部 Xperia XA，上個月大舖已經跌到 $1998，至於深水埗細舖，則問到最平賣價約 $1698，呢個價網友覺得值得入手嗎？
▲ Sony Xperia XA 深水埗細舖最賣價約為 $1698。
有雙鏡頭！LG X Screen、K10 會揀邊部？
對 Sony 手機無興趣，LG 又會唔會係你嘅選擇呢？LG 手機出名跌價快，不過通常都係講緊旗艦果批，入門機反而跌價並不多。而 LG 五月推出的 X Screen，直澄將旗艦系列 V10 的其中一大特色，搬至去一部千元手機度，同樣具備雙鏡頭，而且機身重量只有 120g，版主第一次拎起部機，真係覺得非常輕巧，而且仲用 Qualcomm U 添！可惜得四核心。X Screen 大舖賣緊 $1498，而深水埗細舖賣價，則大約 $1380，呢個價網友點睇？嫌唔夠平嘅，LG K10 又點呢？屏幕相比 X Screen 還要大，有 5.3 吋配 2.5D 玻璃，但用上 MTK MT6753 八核心，大舖賣緊 $1398，而細舖價則約 $1280，用黎做後備機的話，其實個人覺得算是可以接受。
▲ LG X Screen 有雙鏡頭，而且機身非常輕巧，大舖賣緊 $1498，不過細舖就再平少少，$1380 就買到。
▲ 而 K10 細舖的賣價則 $1280 左右。
最平價 Android 6.0 千元 NFC 手機？
講到最平價，而又支持 NFC 的千元手機，應該會係 HTC Desire 530。講外型，其實 Desire 530 都唔係太差，雖然採用了「三下巴」設計，而且機背膠膠地，不過講到拎上手手感，我覺得 Desire 530 反而係幾部機之中最好。而 Desire 530 其中一大賣點，就係支援 10Walt 快速充電技術，速度唔會太慢。但缺點係，主鏡頭只得 800 萬像素，喜歡影相就未必會揀佢，但用黎做後備機，仲可以用 Android Pay，呢部 Desire 530 係 SmarTone 做特價優惠，只需 $898，不過無哂貨。細舖而家賣緊 $1038 左右，網友又覺得算唔算抵玩呢？
▲ 算係最平價又支持 NFC 嘅千元機吧？版主見到，深水埗細舖最新賣價約 $1038，呢個價網友會考慮嗎？
Sony Xperia XA 在文章發表時，大舖賣價為 $1998，按這裡有詳細規格及最新賣價。
LG X Screen 在文章發表時，大舖賣價為 $1498，按這裡有詳細規格及最新賣價。
LG K10 在文章發表時，大舖賣價為 $1398，按這裡有詳細規格及最新賣價。
HTC Desire 530，大舖賣價為 $1298，按這裡有詳細規格及最新賣價。
香港 Android Pay 資訊
唔駛專用 SIM! 有 NFC 就得! 兩分鐘即學、即用 Android Pay 手機俾錢
登記 Android Pay 有錢賺！教你賺盡每一蚊回贈！(附連結)
一千蚊買得起! 千元 Andoird Pay 手機精選