遲三星 S8 兩日！19/5 開始預訂，27/5 開賣
先講左 Sony Xperia XZ Premium 的上市資訊，Sony 在 18/5 香港舉行發佈會，相信已經唔係秘密，所以其實聰明的網友應該可以順便估到，呢部最新的 S835 旗艦手機，會在 19/5 正式接受預訂。不過，正式開賣又會係幾時？根據版主收到嘅風，XZ Premium 預計將會在 27/5 正式開賣，即係梗梗比三星 S8 開賣遲兩日咋！至於到時會賣幾錢，版主會繼續努力收風，一有消息就會第一時間同大家透露。
▲ Sony XZ Premium 預計 27/5 正式開賣，你哋估開價會係幾錢呢？
現有旗艦 XZs 劈價迎新機！買舊機定等新機？
隨着 Xperia XZ Premium 上市日將近，現有旗艦手機亦都開始減價了！頭先都講過，係 Xperia XZs，都叫做係現時最新的旗艦，配備 S820 處理器，有 4GB RAM + 64GB ROM，而且相機都係用同 XZ Premium 一樣的模組，同時亦支持 960fps Super Slow Motion 功能。你可以當係相對平價版的 XZ Premium，原本開賣「即減 $300」，今日起改為「即減 $600」，最新賣價為 $4698，呢個價錢，你會打算入手，還是等 S835 新機？
▲ Sony Xperia XZs 由今日開始減價至 $4698，呢個價錢你又覺得諗唔諗得過呢？
Sony Xperia XZ Premium 在文章發表時，預計在 27/5 上市，按這裡有詳細規格及最新賣價。
Sony Xperia XZs 在文章發表時，大舖賣價為 $4698，按這裡有詳細規格及最新賣價。