SUGAR 系列手機的定位一向都很清晰，以女性為主要的客戶群。有別於以往的設計，SUGAR S 的機身非常纖薄，厚度只有 5.1mm，因而獲得「全球最輕最薄美顏拍攝 4G 手機」的美譽。的確，版主拎部機上手嘅時候，真係估唔到一部手機可以薄成咁。最重要係，佢唔止薄，而且非常輕巧，重量只有 98g。SUGAR S 的機身體積為 141.9 x 68 x 5.1 mm，配備了 4.8 吋 1280 x 720 解像度 AMOLED 屏幕，機背採用了第三代Gorilla Glass強化玻璃，令 SUGAR S 更加堅固。另外，佢嘅邊框鑲左 16 粒 SWAROVSKI 炫美瑩彩寶石，如果版主我係女性的話，估計會為呢部輕薄的 SUGAR S 著迷。
▲ SUGAR S 配備左 4.8 吋 720p AMOLED 屏幕。
▲ 機背採用了第三代 Gorilla Glass 強化玻璃，加強手機的堅固耐用度。另外，機背的中上位置你會見到 SUGAR 的字樣。
▲ 同以往的設計有不同，以往 SUGAR 系列的手機會用好多好多粒寶石圍住條邊框，十分誇張。而 SUGAR S 只有音量鍵以及開關鍵上鑲有寶石，總共只有 16 粒。機的右側會有 NanoSIM 卡槽，可惜並沒有 microSD 卡槽。
至於配置方面，SUGAR S 配備了 Qualcomm Snapdragon 410 四核心處理器，內置左 2GB RAM 以及 16GB ROM，缺點是沒有支援 microSD 卡。續航能力方面，雖然佢只配備了 2000mAh 電池，但廠方表示佢的耗電量超低，能夠待機高達 160 小時，當電量剩餘 10%，仲可以支援 10 小時待機以及通話 1 小時。當然，除左佢本身慳電之外，用上 720p 屏幕可能都係一個因素。不過實質電池的表現係點，就真係需要做過測試先知。相機方面，SUGAR S 採用了 800 萬像素主鏡頭以及 500 萬像素 88 度廣角前置鏡頭，內鍵一鍵美顏、專業拍攝模式等功能。
▲ SUGAR S 採用了 500 萬像素 88 度廣角前置鏡頭，內置一鍵美顏功能。
SUGAR S 現已在香港指定特約經銷商發售，建議零售價為 HK $1998。SUGAR 系列手機係專為女性打造的手機，雖然規格上比較偏向入門級，不過用黎送禮都唔會失禮。臨近聖誕節了，戀愛中的男士諗到送咩禮物俾女朋友未呢? 呢款鑲有 SWAROVSKI 炫美瑩彩寶石的 SUGAR S 能唔能夠成為你的選擇呢?
在文章刊登時，SUGAR S 的建議零售價為 HK $1998，按這裡有詳細規格及最新賣價。
