話說剛剛 Letv HK 喺佢嘅 Facebook Page 度打左段咁嘅嘢：【9.22 出大事】9 月 22 日 Letv 體育有咩大事宣佈呢？無啦啦提到 Letv 體育，仲要係有張獅子圖喺度 (英超聯賽嘅 logo 正正有隻獅子喺度)， 根據版主猜測，有好大可能係 Letv 暗示緊將會喺 9 月 22 日當天會公佈英超轉播權的結果，仲要講到係大事咁，相信英超轉播權 Letv 今次實十拿九穩! 版主 Keith 更對我講，原來得到英超轉播嘅一方，係可以要求英超派代表去當地簽約，傳 今次 Letv 為隆重幾事，英超代表簽約方式少不了，到時睇下係咪咁威威。
▲ Letv HK 專頁開 post 9 月 22 日將有大事發生，估計同英超轉播權有關。
之後過左一段時間，Letv HK 專頁再有新 post，寫着：「現在的，可以更好 9.24 開創娛樂新時代」。而幅圖上面寫住 「Not Now 9.24」，講到咁隱晦，令到網友們估估下。而對於呢個 post 呢，版主 Keith 又同我講，話 Letv 將會喺果日推出全城瘋狂嘅行動：免費派電視盒子，若果大家有睇搵工網站，Letv 已大量招募「街霸」，唔係賣寬頻，係推廣 Letv 樂視盒子。據市場傳聞，只要你係付出按金 $380，就可以免費得到 Letv 樂視盒子，並包括六個月電視內容。六個月後，你唔 Like 以退番個盒，攞返按金。聽落十分唔錯。此外，相信 Letv 樂視香港再會推出尺吋更大嘅超級電視。
▲ Letv HK 專頁暗示 9 月 24 日會有啲事發生，版主收風係同派盒子和推出新電視有關。
唔知各位網友想唔想 Letv 可以成功得到呢個英超轉播權呢? 同埋如果 Letv 真係出新電視嘅話，到底點樣嘅電視先可以滿足到你，令你睇波睇得更有感覺呢? 留言講下丫!