芒大左，加入雙 LED 補光燈
外觀上，版主其實真係無興趣講咁多，咪又係同以往 CASIO EX-TR 系列差不多～無乜太大特別，所以版主接住落黎會淨係集中講，EX-TR80 同上代的不同之處。首先，今次 EX-TR80 在顏色選擇上有唔同，有粉紅、黑色、白色三種。另外，今次 EX-TR80 的顯示屏幕比上代更大、更清，有 3.5 吋以及 104 萬像素，1110 萬像素鏡頭旁邊，加入了雙 LED 補光燈，目的是增強在昏暗環境下的夜拍表現。同時，EX-TR80 的外框，亦改良至 360 度旋轉式設計，鍾意手持又得，當支架又得，吊掛都得，你又覺得會唔會好用左呢？
▲ 有人同版主講，佢覺得黑色最靚，不過版主自己就覺得，白色反而係最靚。Um...... 可能係男同女睇法的分別吧？
▲ 近距離望，可以見到鏡頭旁邊多左兩個 LED 補光燈，一個係左，一個係右。
▲ 機背下面會見到「EXILIM」的字樣。
▲ 正面上方會有喇叭位。
▲ 屏幕下方會見到 CASIO 的字樣。
▲ 可以見到，鏡頭位置係可以旋轉的，不過唔係 360 度，大約只有 270 度。而外框今代則改為可 360 度旋轉。
▲ 頂部會有開關鍵。
▲ 機身左側會有 microUSB 插槽以及 microSD 卡槽，最高支援 64GB。
▲ 右側會有快門鍵。
CASIO EX-TR80 版主喪玩自拍！自拍神器好好玩？
今代 CASIO EX-TR80，在美顏以及其他功能上，都有升級。例如設有 6 種美顏設定，包括「美顏模式」、「平滑肌膚」、「臉部亮度」、「立體感」、「除黑眼圈」以及「瘦臉」，另外仲有智能調節功能，可以分析唔同嘅拍攝環境，對人像進行智能調節。同時，EX-TR80 亦加入了比較檢視，可以在 3.5 吋的大屏幕上，比較兩張不同的相片，選擇合適的美顏數值，並設定保留沿用到下一次拍攝。其餘的功能，就基本上無乜特別，說到尾，自拍神器最大的作用，咪又係自拍～
即刻睇下影出嚟嘅效果仲好啦！
▲ 今代加入了 6 種美顏設定，當中包括「除黑眼圈」功能以及「瘦臉」功能。
▲ 與此同時，你亦可以加入唔同的 Filter，例如優雅、懷舊等等，製作出合你心水的效果。
▲ 加入了相片對比功能，另外亦有「收藏相片」等新功能。
▲ 先睇左 Model 姐姐玩先，左右兩張相都係用上唔同的效果，左邊係加強了美白，而右邊則用上鮮嫩的效果。
▲ 版主自己平時都喜歡自拍的，所以都借左部機落街，試玩下。EX-TR80 內置不同的 Filter，你可以按自己的喜好，選擇合你心水的效果。而 EX-TR80 不愧是自拍神器，自拍起上黎並不是平時的智能手機能夠媲美，細緻度表現相當不錯。可惜沒有相機可以長借，如果唔係，版主都好想試埋夜拍的表現。
小結
今代的 CASIO EX-TR80，可以話係平左又正左，建議零售價相比以往更親民，賣 $6980，而美顏功能亦比以前更豐富。今次 TR80 無左金色，多左隻黑色，其實都靚嘅，不過版主個人都係比較鍾意白色。同時，EX-TR80 自拍果然係「神器級」，版主自拍左幾張，無論係細緻度、抑或色水等方面，都令版主覺得非常滿意。可惜的是，EX-TR 系列的主要客戶群多是女性，並不是為男士而設，你話叫版主拎住呢枝嘢出街自拍，真係會好引人注目。如果 CASIO 可以出部專為男士而設的自拍神器，網友又會唔會考慮入手呢？