不過講到自拍相機，版主真心覺得，Casio 這個品牌確實做得不錯。唔係賣廣告，而係版主自己都有部 Casio 相機 EX-10，親身體驗過得出的結論。可能你會話，EX-10 係 Casio 入面算係旗艦的一部相機，實係影得唔差啦! 版主只想講，自己都有玩過而家 Casio 啲新機，開始愈來愈接近 EX-10 的水平，並不比我手上這部差勁，而且好抵玩，就好似上年推出的 EX-ZR3600，有大舖而家將佢近半價清貨，愈賣愈平，呢個價錢我都心郁想入多部! 睇下文啦!
今次講嘅又係尖沙咀某蘇寧 (唔方便講明係邊間，想知就 PM 版主啦)，上個月版主同大家介紹過，Casio 相機豐澤、蘇寧鬥平價，蘇寧以 EX-ZR3600 $1900 這個價錢，秒殺豐澤賣 $2086 的 EX-ZR3500。果陣個價錢已經算係幾吸引，甚至有網友 PM 版主，想了解如何入手。不過，好在呢位網友仲未得閒入手，尋日版主再經過果間蘇寧，得知而家佢哋再有減價，將 EX-ZR3600 劈到 $1680，相比原價的 $3280，而且仲有保，真係幾乎係半價賣! 呢個價錢，有無網友有興趣買部番黎玩下呢?
按這裡有 Casio EX-ZR3600 的介紹
按這裡有 Casio EX-ZR3600 的上手評測