GF9 加入 4K 影片攝錄 + 4K 自拍功能！
先由比較平價的女朋友系列說起，GF9 有單鏡套裝和雙鏡套裝，前者賣價為 $4990，而後者賣價為 $6490，呢個價錢比上代略貴，但實際上又有甚麼升級呢？GF9 配備了翻揭觸控式顯示屏以及自拍功能，新增了「4K 相片」的自拍功能，對於鍾意自拍的網友來說，呢部 GF9 或者會係 Casio 自拍相機以外的一個選擇。GF9 配備了 1600 萬像素 Live MOS 感光元件，用上 Venus Engine 影像處理器，能夠以高達 ISO 25600 拍攝，並加入了 DFD (Depth from Defocus) 散焦測距技術，最快可 0.07 秒自動對焦。另外，GF9 亦都加入了 4K 30fps 影片拍攝功能。顏色方面，GF9 有黑、銀、橙、粉四種。
更多真機圖賞
支持 6K 相片拍攝 + 5 軸防震 + 4:2:2 色彩取樣技術！天價 m4/3 相機 GH5 抵港
至於另一部比較旗艦級的可換鏡相機 GH5，香港建議零售價未定，不過睇番 CES 發表時的建議零售價，淨機身都要 1999 美元，折合港幣約 $15500，呢個價錢入手 m4/3 相機，可以叫做天價，但睇埋佢的升級，又好似都算值。GH5 配備了 2030 萬像素感光元件，除左支持 6K 相片拍攝同 5 軸防震系統之外，Panasonic 亦用上了最新 Venus Engine 影像處理器，處理效能相比上代快 1.3 倍，並可以 150Mbps 的速度，處理 4K 60p 影片。在影片拍攝部份，Panasonic 在 GH5 的 1080p 60p 影片上，加入了 10-bit 4:2:2 色彩取樣技術，保留更多色彩細節。另外，GH5 亦具備雙 SD 卡插槽設計，兩個插槽都可以支持 UHS-II 格式。唔知網友又對呢兩部機有無興趣呢？更多 GH5 圖賞
