版主咁正經，講的當然唔係果種女友，而係講緊 Panasonic 的「女朋友」系列相機，不過唔係講今年推出的 GF10，而係舊代「前度」GF9，行過大舖見到做緊信用卡優惠，三千蚊即入手，抵唔抵？睇下文啦！
說的是中原，行過見到「前度女友」Panasonic GF9 有信用卡推廣優惠，原價 $4990，而只要你係 AE 美國運通信用卡會員，就可以優惠價 $3080 買到。版主亦都參考過出面細舖的價錢，單鏡套裝行貨出面賣緊 $3380 左右，而今次中原呢個優惠，似乎比起細舖還要便宜，你又覺得抵唔抵呢？
Panasonic GF9 配備了 1600 萬像素 Live MOS 感光元件，用上 Venus Engine 影像處理器，能夠以高達 ISO 25600 拍攝，並具備 DFD (Depth from Defocus) 散焦測距技術，最快可 0.07 秒自動對焦。另外，GF9 亦都支援 4K 30fps 影片拍攝功能。GF9 具有翻揭觸控式顯示屏，方便自拍，支持「4K 相片」功能，平時去旅行用的話，應該都幾夠用，但最衰就無熱靴，如果唔係我都有少少性趣~
