小蟻運動相機用上 Sony Exmor R BSI CMOS 1600萬像素鏡頭，有 F2.8 光圈同埋 155 度超廣角，支援 1080p@60fps 影片拍攝同雙聲道錄音。作為一部運動相機，官方表示小蟻可的潛水深度可達 40 米（要另外買防水殼配件使用），另外係電量方面小蟻運動相機電池容量有 1010mAh 同埋支援最大 64GB Micro SD 卡。
▲ 小米話將會推出更多小蟻運動相機的配件，唔知價錢有無一舊水人仔的自拍棍咁驚喜呢？
好，講明以平價做賣點，咁小蟻運動相機定價又係幾多呢？呢部相機有綠，白兩色可選同時分為基礎版同旅行版。基礎版要 399 人仔，約 $493 港幣，而旅行版就比多支自拍神棍你，盛惠 499 人仔，約 $616 港幣，要點揀大家相信應該都識啦～
最後，要留意小蟻運動相機係無屏幕的，所以雖要借助手機屏幕當 Viewfinder 用，下面有 Link 比大家下載小蟻運動相機 app ，暫時只有 Android 版。唔知大家又對呢部 Action Camera 有無興趣呢？不妨留言講下啦！
下載：小蟻運動相機 app