留意到有網店將 Motorola Verve Cam+ 清貨，只需 $99 就買得到，呢部運動相機係 2017 年推出嘅產物，4 年前叫價都要成千蚊，而家 $99 其實當玩具玩下，都值得，所以我即刻就同店主講：「幫我留一部，唔該！」而問及 $99 嘅 Verve Cam+ 多唔多貨，店主話好多，有成百幾隻，所以應該唔難買到，唔知你又有無興趣呢？
Motorola Verve Cam+ 係一款市面少見用上圓形設計嘅運動相機，重量只有 60g，機身支持 IPX4 防濺水，不過配合埋隨附嘅 IP68 防水殼，就可以支援 30 米水中拍攝。而相機隨咗支持 138 度廣角拍攝，仲可以拍到 2.5K@30fps 以及 1080p@60fps 影片，更具有循環錄影、縮時錄影等功能。電量方面有 600mAh，充滿一次電可以拍到 90 分鐘 2.5K 影片。
購買查詢：K Digital 奇數碼
