不要 Del App！安心出行變針卡 App！立即教你點用

左定坤 (Cho Ting Kwan) 2022-12-13 19:08 | 手機綜合區

嘩！今日政府開恩呀！感謝政府！政府調整防疫措施，喺每日仲有過萬宗的 Covid19 個案下，宣佈由 12 月 14 日起，市民唔洗再掃瞄「安心出行」，同時亦會撤銷「黃碼」。不用再掃「安心出行」係咪即係可以 Del App? 我哋有另外一篇文教咗你，Del 咗安心出行，可以點儲起你嘅疫苗通行證。但若果你用慣咗「安心出行」或者有老人家問你 Del App or not，你唔想再由頭教佢，其實呢個被半癈嘅「安心」App，即刻變身針卡 App！即係點？我教你！

免掃安心出行，唔代表呢個 App 無能

政府宣布由 2022 年 12 月 14 日起，香港市民、遊客，總之你係喺香港，都唔洗再掃瞄「安心出行」，即係唔再有 QR Code 你要照咗先入場。不過，進入食肆及部份處所，仍要出示「疫苗通行證」即係有晒你打齊三針或臨時通行證嘅 QR Code，等佢地用手機同你反向掃 Code。

無錯，你可以用好多方法去顯示呢張「疫苗通行證」(針卡），但其實你 Keep 番安心出行，呢個 App，可能仲好。理由：

001：政府係咁講：醫務衞生局局長盧寵茂指，安心出行與疫苗通行證並非絕對掛鉤，但安心出行其實可以儲存疫苗通行證、亦可用作登記免費檢測 (核酸）之用。所以唔 Del App，安心出行至少可以幫你「儲存疫苗通行證」。

002：政府多番表示，安心出行 App 取得亞太區 App 的獎項。這實是香港之光，我哋無理由唔支持。而呢個亞太區大獎，為華為亞太區開發者大會「最佳公共健康夥伴大獎 2022」。

理由講完：教學

001：開啟你原本用開的「安心出行」。

002：要出示用「疫苗通行證」地方，按「電子針卡」。