網友爆被抽中檢查實名身份證
該網民喺討論區開帖文，標題係：「被抽中咗要查實名身份證」，而如果被抽中咗，就需要去返你儲值卡所屬嘅網絡商，拎張身份證畀佢哋 check，確定實名儲值卡擁有人嘅身份。喺討論區分享完之後，隨即有唔少網友都覺得：「好煩下喎」、「如果有 ValueGB、Lucky SIM、IMC 嗰啲 prepaid card，都唔知點核實身份證」、「要投訴」、「無嘢搵嘢嚟搞」，而有網友亦批評，未 check 到係咪本人登記，就停止哂啲卡，對於做生意嘅人嚟講，會好大鑊。OFCA 官網係咁寫
不過，通訊事務管理局辦公室 (簡稱通訊辦，英文 OFCA) 喺官方網頁上都有寫明：－ 通訊辦及電訊商會不時就登記資料進行例行抽樣檢查。
－ 當收到電訊商以發送者地址「SIMREG」發出的短訊時，你應按短訊內的指示提供你的香港身份證以核實有關電話儲值卡的登記資料。電訊商不會就進行實名登記或核實已登記的資料要求你轉帳金錢。
－ 你於指定期限前一直未能提供相關資料以核實電話儲值卡的登記或回覆電訊商所提出的查核要求，你的電話儲值卡的登記會被取消而不能繼續使用，以保障你的權益及避免不知名的第三者使用你的電話儲值卡。如你就電訊商所提出的查核要求有疑問，請直接聯絡所屬電訊商。
亦即係話，可能電訊商真係有短訊通知期限，但有時儲值卡太多，儲號碼又未必張 SIM 長期插住喺部機度，都可能會出現無辦法逐一留意嘅情況。仲要係，有啲朋友可能移咗民，但留住個香港儲值卡儲號碼，咁如果呢個時候收到 SMS 又點？唔通要飛返嚟香港再搞實名嗎？你哋覺得抽樣檢查呢樣嘢，會唔會好麻煩呢？
來源：HKEPC