▲ 圖片由 Adobe Firefly 生成，並經過加工。
招聘廣告請 AI 工程師
當 OpenAI 嘅 ChatGPT 大戰緊 Google 嘅 Brad；當造圖、製片、寫曲、作詞都可以用生成式對話型 AI 做到嗰陣，我哋會問 Apple 你做緊乜？當幾個月前，傳出 Apple All-In XR Reality，大家都黑人問號，相信喺 WWDC 2023 演說之後，大家都會知有幾把炮。原來，早在五月份尾，蘋果一份招聘廣告中，已靜靜地話你知，佢哋嘅 XR Reality 未來會整合 AI！呢份招聘廣告，Apple 招聘硬件嘅 Software Engineer。而廣告第一句，就係講 AI。蘋果其實要聘請 Machine-Learning（機器學習）嘅工程師，仲要有 Conversational 及 Generative AI 嘅經驗。呢兩項，咪即係近期大熱，ChatGPT 或者造圖嘅 Stable Diffusion 等等嘅對話式生成人工智能！佢哋仲講明用喺 AR/VR 裝置上面，即係 WWDC 2023 重點之一：XR Reality！
由此可見，蘋果唔係唔理會人工智能，而會係 XR Reality 裝置上，加入現在大熱嘅生成式人工智能！到底，成果會係點？AI + XR 兩件事都很「未來」，蘋果二合為一，將未來帶到現實，會點樣帶領潮流？大家要密切留意了!
原文：Apple 招聘網站