$4200 起入手 7 吋非摺芒機旗艦
今次要講嘅呢部手機，係 vivo X Note，其實呢部手機已經推出咗有一年多，不過去到而家，已經減價咗唔少，一共有 8GB + 256GB、12GB + 256GB 以及 12GB + 512GB 三個版本，現時最新水貨賣價分別為 $4180、$4450、$5350 起，賣點係大芒，你又會唔會考慮呢？規格方面，vivo X Note 用上咗 7 吋 AMOLED 芒，解像度為 3080 x 1440，配備 Qualcomm Snapdragon 8 Gen 1 處理器，電池容量為 5000mAh，並支持 80W 有線快充、50W 無線快充以及 10W 反向充電，並具有四鏡頭設計，分別為 5000 萬像素廣角、4800 萬像素超廣角、1200 萬像素人像以及 800 萬像素潛望式長焦鏡頭，支持 5 倍光學變焦以及 60 倍混合超級變焦。
報價查詢：國內手機代購
呢個價錢可以買到乜行貨手機？
如果講到四千零蚊又要定位旗艦手機，其實大舖選擇唔算十分多，有 Black Shark 黑鯊遊戲手機 4 Pro、三星 Galaxy S22、ASUS Zenfone 9、ROG Phone 6 等等，雖然大家都係舊代旗艦，但無一部係擁有好似 vivo X Note 咁大個芒，如果網友想比拼一下四千零蚊價位嘅旗艦選擇，可以按呢度或按下圖進入 ePrice 手機比拼系統，比較一下幾部手機嘅詳細硬件規格，同時你亦都可以自行加入其他機型，去作更多嘅比拼。