匯出所有 Google Photos 相片教學
方法就係，我哋需要用一個叫做 Google Takeout 嘅功能，其實呢個功能都係 Google 自己嘅功能，並非第三方軟件，無論你係用手機定電腦，你都可以透過網頁瀏覽器，進入 Google Takeout 嘅網站，並且用你 Google Photos 嘅帳號登入。而常你登入 Google Takeout 頁面之後，你會見到系統會預設同你自動選取幾乎全部嘅資料 (除咗「存取記錄中的活動」。呢個時候你可以按「取消全部選取」，自行選擇你想匯出嘅內容，而如果你係想匯出 Google Photos 入面嘅資料，就淨係揀 Google Photos，然後碌到底部選擇「下一步」。
你可以選擇匯出嘅方式，而我就會選擇透過電子郵件，傳送下載連結。另外你亦可以選擇，到底你淨係要匯出一次，定係一年內每 2 個月自動匯出一次，即係一年 6 次。咁一次性匯出，定一年 6 次，就由網友自己選擇就好。最後就按「建立匯出操作」。
然後基本操作就完成，你會見到顯示Google 正在建立「Google 相片」的檔案副本，匯出程序可能需要較長的處理時間 (數小時或數天)。匯出完成後，你將會收到電郵通知。咁簡單大家學識咗未呢？
