教你發送 HD 高清相片 / 影片
WhatsApp 日前「成就解鎖」，允許用家發送 HD 相片 (大約 4000 x 3000) 或者影片 (720p 解像度) 畀你嘅朋友，呢個功能剛推出嘅時候，係由 Android 用家率先有得用，之後過多一排，就輪到 iPhone 用家都用到。而無論你係用緊 Android 手機定係 iPhone，發送相片或影片，都可以選擇發送標準畫質或者高清畫質。不過，由於預設係標準畫質，所以每次如果你想發高清相，都要手動選擇「高清畫質」，呢樣會有少少麻煩。001：打開你朋友的訊息。
002：iPhone 用家選擇對話欄左邊的「+」號 / Android 用家選擇對話欄右邊的萬字夾圖案。
003：iPhone 用家點選「照片和影片圖庫」/ Android 用家選擇「圖片庫」。
004：選擇你要發送的相片或影片。
005：在預覽畫面頂部，會見到有個 HD 的圖示，點進去，選擇「高畫質」(iPhone) 或者「高清畫質」(Android)。
006：按下傳送，就可以發送大約 4000 x 3000 尺寸的高清相片，或者 720p 的影片。
順帶一提，而家 WhatsApp 允許一口氣發送高達 100 張嘅相片或影片，而唔係好似以前咁，最多只可以 send 30 張，呢個升級對於去旅行影大量相，要 send 返畀人嘅情況嚟講，相當方便。