Telegram 推出更新，「語音轉文字」下放到免費用家
Telegram 最近喺佢哋官方 Blog 度宣佈，推出一系列嘅新功能，其中有一個功能相當實用，就係語音轉文字嘅功能。事實上，呢個功能自 2022 年以來，只要你係課金嘅 Premium 用戶，就已經可以轉錄語音以及影片訊息，幫助用家快速查看對方所講嘅內容，甚至可以翻譯成唔同語言嘅音訊。而家 Telegram 就將呢個功能，下放到畀所有使用者，不過如果你無課金，每星期最多可以將 2 個訊息轉換成文字，而 Premium 會員則可以無限轉換成文字。而將語音轉換成文字嘅方法相當簡單：
001：打開 Telegram。
002：在語音訊息旁邊，會有一個右箭咀指住個 A 的圖示，點一下。
003：之後就會在錄音下方，見到轉譯成的文字，甚至可以翻譯成另一種語言。
不過，目前這個功能會逐步推出，並唔會即刻喺所有地方用到，版主目前自己試，就未用到，但相信唔使等好耐， 就會普及全球。
