雖然喺一啲專業或者正式嘅文章，例如學校論文或者報告等等，你當然唔會加入 Emoji，但 Google Docs 功能可以好多樣性，唔一定要下下都咁嚴肅、保守，有時你可以加入一啲 Emoji 例如笑臉等等，就好似如果你用 Google Docs 寫生日邀請函，或者情書等等。如果你平時要喺 Google Docs，想加入 Emoji，你可能好麻煩咁，又要打開「插入」選項，然後添加你選擇嘅表情符號，但其實 Google Docs 有一個簡單方法，可以令你更快完成呢個操作。
如何使用鍵盤快捷鍵將表情符號插入 Google Docs?
要喺 Google Docs 文件入面插入表情符號，好多時候用家都會點撃頂部嘅「插入」，然後從下拉式嘅選單選擇「表情符號」，之後打開咗表情符號選擇器，選擇你想要嘅表情符號。但其實有兩個方法，可以令到呢個過程更快。第一個方法，就係好簡單咁打個冒號「:」，然後右邊就會顯示「搜尋 Emoji」，並會有一系列嘅 Emoji 選項，包括「讚」、「拍手」、「稍為微笑嘅表情」等等。你可以單撃你喜歡嘅表情符號並插入。如果你好清楚知道你想要乜，可以喺冒號後面輸入指定表情符號嘅名稱，例如你想要打個皇冠符號，其實當你喺冒號後面輸入「皇」字，你已經會見到篩選成得兩個選項，一個係「皇冠」，另一個係「戴皇冠的人」。
Google Docs 打個「:」就會顯示這畫面。
如果你好清楚自己想要咩，直接打符號個名就得。第二個快速鍵係打個「@」，輸入 @emoji，並喺出現嘅下拉式選單中選擇「Emoji」，之後就會有整個表情符號選擇器畀大家選擇。
輸入「@emoji」，再按「Emoji」。
之後會出現整個表情符號選擇器。