001: YouTube Premium
只要你課金畀 YouTube Premium，你就可以喺唔違反網站服務條款嘅情況下，下載 YouTube 影片，而且使用相當簡單，只需喺要保留嘅影片，點撃下載按鈕即可，但都有唔少缺點。要課金，畀錢，係缺點之一，而且正常情況下 YouTube Premium 都唔平，除非你用 VPN 大法去其他地方嚟課金。其次係品質問題，最多可以下載 1080p 影片，而且只能夠喺 YouTube 應用程式觀看，而唔能夠喺其他播放器觀看。
002：4K Video Download+
呢個應用程式係一個可以允許用戶輕鬆從互聯網嘅流媒體網站下載影片，並且可以高品質嘅格式下載，而且可以免費下載高達 8K 解像度嘅影片﹐大前提係條片本身要支持 8K，而且你仲要有 8K 芒或者電視，先可以享受到。4K Video Downloader 適用嘅網站包括 YouTube、TikTok、Facebook 等等，可以跨平台使用，下載影片所需要做嘅就係將連結放入應用程式並點撃按鍵，只需單撃一下就可以下載播放列表，而呢個 App 甚至可以下載 360 度 3D 影片，可以適合 VR 愛好者使用。同其他同類產品一樣，呢個應用程式可以畀你下載完成後轉換影片格式。
有免費版同課金版，免費版畀你下載影片，更高級嘅功能就要課金，Lite 版 15 美金可以用一年所有主要功能，25 美金嘅個人版可以讓用戶永久使用呢啲功能，而 60 美金嘅專業版，就增加咗應用程式內嘅 YouTube 訂閱、YouTube Premium HQ 音訊以及匯入、匯出 URL 嘅功能等等。
003：ByClickDownloader
呢個應用程式係一個免費實用嘅工具，可以允許用戶從好多受歡嘅網站獲取影片並以多種格式保存，包括 MP3、MP4、AVI、FLV、WMV、3GP、WEBM、MKV、WAV、AAC 以及 M4A，提供嘅文件格式意味住你可以下載影片，同埋僅保存其音訊。除咗 YouTube 以及 Daily Motion 等串流網站，呢個應用程式仲可以從 Facebook Instagram 等應用程式抓取影片，最高解像度高達 8K，而且可以一個按鍵獲取整個播放列表，但就不是跨平台，Windows 用戶可以從免費下載，但 Mac 用戶就要另外尋找替代方案。
004：SSYouTube
SSYouTube 喺 Google 搜尋排名中表現良好，但評論並唔係好多，從表面嚟睇，佢可以喺唔同受歡嘅串流媒體網站下載影片，而且簡單又免費嘅方式，同時亦係跨平台，可以喺 Windows、Mac、Linux 以及 Android 上運行，不過缺點係下載嘅格式有限，得 MP3 同埋 MP4，而品質最大只支持 1080p，但免費無限量下載影片，則係佢嘅優點之一。
來源：SlashGear