二千中三防 5G 手機 玩熱感 + 夜視相機 有 6500 大電
說的是 Ulefone Armor 25T Pro，呢部手機早前已經喺香港正式開賣，由鵬勃電子代理，建議零售價為 $2599。Ulefone 手機最出名嘅，莫過於佢嘅三防規格，防水防塵防撞，而 Armor 25T Pro 亦都係一部三防手機，對於好似版主不時有跌爛手機風險，或者地盤工作嘅人士，尤其適合。規格方面，Ulefone Armor 25T Pro 採用咗 6.78 吋 LCD 屏幕，解像度為 2460 x 1080，支持 IP68/IP69K 等級防水防塵規格，同時亦通過 MIL-STD-810H 軍規防撞測試，在堅固耐用度方面，Armor 25T Pro 絕對信得過。而手機亦配備 MTK 天璣 6300 5G 處理器，內置 6GB RAM (最多可增加 6GB 虛擬記憶體) 以及 256GB ROM，電池容量為 6500mAh，並支持 33W 快速充電以及 30W 無線充電。相機部分，Armor 25T Pro 具有 5000 萬像素 1/1.31 吋主鏡頭以及 64MP 夜視鏡頭，具有熱感傳感器，可測量 -20 度至 550 度的溫度，而前置鏡頭則為 3200 萬像素。手機亦支持水底拍攝，可以應付大部份的嚴苛環境。
報價查詢：鵬勃電子