HMD Skyline 首次香港推出，賣價 + 上市資訊公開
首先講咗價錢同埋香港上市資訊，HMD Skyline 有霓虹粉色以及炭黑色兩種顏色機身，配備 12GB RAM + 256GB ROM，建議零售價為 $3398，會喺 8 月 29 日正式有售。
HMD Skyline 為一部「好易維修」嘅手機
而規格方面，HMD Skyline 採用咗 6.55 吋 FHD+ pOLED 屏幕，支持 144Hz 屏幕刷新率，配備 Qualcomm Snapdragon 7s Gen 2 5G 處理器，電池容量為 4600mAh，提供長達 2 天電池續航力以及支援 Qi2 磁吸式充電功能。佢亦係首款具有 Gen2 可修復性嘅手機，意味住會比以往任何時候更易修復手機，只需要打開後蓋並擰下螺絲，就可以輕鬆維修手機。具有眼部追蹤自拍相機
相機方面，Skyline 用上咗 1.08 億像素光學防震 + 5000 萬像素望遠 + 1300 萬像素超廣角三鏡頭組合，人像模式支援 4 倍變焦，可拍攝具有自然散景效果、焦距為 50mm 嘅特寫鏡頭，而夜間模式 3.0 亦將平衡曝光以及保留細節，而獨有嘅 AI Capture Fusion 技術更能顯著照片中細節。另外，Skyline 亦具有 5000 萬像素前置鏡頭，具有自動對焦以及眼動追蹤功能，無需按下按鈕或設定計時器都可以影到相，並內置「自拍手勢」讓你只需看着手機，做出通用嘅 peace 手勢 (或其他三個手勢之一)，就可以繳活相機，亦可拍攝 4K 格式自拍影片。其他部分，手機預載 Android 14 作業系統，並支持長達 2 年系統更新及 3 年安全性更新。
發佈會現場初步上手看外觀
