csl Lucky SIM $125 包無限 5G 中澳台數據
說的是 Lucky SIM 旗下品牌 Lucky2 所推出嘅大中華區年卡任用升級版，現時市場賣價大約為 $125，除咗佢係一張年卡，有效期達 365 日，而且最大賣點係，佢唔單止包含咗 20GB 中國、台灣、澳門 5G 高速數據，而且用完呢 20GB 之後，仲可以繼續以 384kbps 無限任用，呢個速度雖然慢，但又未至於去到地獄速，基本去到大陸使用 WhatsApp 等社交應用，都係好夠用。而且呢張卡喺香港都可以用，不過就有少少限制，只有 10GB，用完 10GB 之後並唔係限速任用，而係會直接停。換句話說，雖然呢張卡主打係大中華區，但實際嚟講都係針對外遊，$125 一年無限任用 384kbps 中澳台三地數據，都係一個相當唔錯嘅賣點。版主諗返起最近返大陸工作，用唔夠半個鐘 2GB 數據已經用完，一日至少用 6GB 以上，有返一張無限任用嘅年卡，就算平時用爆咗數據，都可以湊合用住先。網友又點睇呢？
報價查詢：超譯儲值卡