平均 $79 / 張 365 日 5G 無限數據！支持 8 個地區無限漫遊數據，呢張年卡優惠好抵玩？

左定坤 (Cho Ting Kwan) 2024-10-28 17:50 | 手機綜合區

最近留意到市場上愈來愈多漫遊數據 5G 年卡，一張儲值卡可以多個國家地區共用 5G 數據，而且仲有得無限數據任用，好似好吸引。之前介紹過 Lucky SIM 旗下嘅 Lucky2 就推出過幾張多國共用年卡，而市場上另一個專賣外遊 SIM 的品牌，亦都推出咗亞洲年卡，而且仲要有買一送一優惠，最平平均 $79 / 張就可以用 365 日。想知詳情，睇下文啦！

Banana Travel SIM 有買一送一優惠

說的是 Banana Travel SIM，呢張 SIM 我一直都好有興趣了解下，不過暫時未有機會去試用，如果有網友用過呢張 SIM，不妨可以同版主分享一下使用的感受。佢哋本身就有一張亞洲 365 天 5G 10GB 高速漫遊無限數據年卡，原本定價為 $158，最近就推出咗買一送一優惠，即係 $158 就可以買到 2 張，平均每張 $79，包 8 個國家 / 地區共用數據，其中有 10GB 5G 高速漫遊數據，其後可以最高 512kbps 速度無限任用，呢個速度比起之前介紹過嘅 Lucky2 儲值卡更快。

支持 8 個國家地區無限 5G 任用數據

而呢張 SIM 適用地區包括中國內地、澳門、日本、南韓、台灣、新加坡、馬來西亞以及泰國，支持網絡商分別為中國移動、澳門電訊、Softbank、SKT、中華電信、Singtel、Celcom 以及Truemove，其中如果去台灣嘅話，就需要進行實名登記。由於佢係香港 SIM 卡，所以就算去到中國內地，都可以直上 Google、WhatsApp、Facebook、YouTube、Instagram 等應用程式，而保留 SIM 卡更可循環充值任何國家或者地區。

按這裡有購買連結