$2000 有找入手 HMD Fusion！適合「裸機」嘅智能手機
首先同大家報個價先，HMD Fusion 香港建議零售價為 $1998，即日起已經在各大零售商有售，呢部手機採用咗 6.56 吋 HD 屏幕，支持 90Hz 更新率，配備 Qualcomm Snapdragon 4 Gen 2 八核心處理器，內置 8GB RAM 以及 256GB ROM，並支持最高 1TB microSD 擴充，電池容量為 5000mAh。相機方面，HMD Fusion 配備了 1.08 億像素 + 自動對焦雙鏡頭，具有後置閃光燈，前置鏡頭則為 5000 萬像素，並支持 HMD AI 相機功能，包括黑暗視覺、夜景模式 3.0、穩定影片和慢動作拍攝選項，預載 Android 14 作業系統，可更新至 Android 15 系統及 3 年安全性更新。
最後，點解一開始我會形容佢係一部適合「裸機」嘅手機？佢名義上係一部模組手機，其實所謂模組就係可以隨時自己套入唔同嘅「保護殼」配件，如果你笠上透明保護殼，就會見到入面電池嗰啲，但我會覺得透明保護殼不如索性「裸機」仲型格。唔知網友又點睇呢？
