csl Lucky2 五地 5G 年卡升級！加量不加價！有 eSIM 版本 + 無限高速漫遊收據

左定坤 (Cho Ting Kwan) 2024-11-06 21:05 | 手機綜合區

今時今日仍然有好多人都鍾意玩年卡，因為年卡其實真係方便，一次性收費，可以用足一年，唔使個個月都諗住幾時到期又要交費。而現今算係最受歡迎嘅年卡之一，相信 csl Lucky SIM 會係佔一席地，而 Lucky SIM 嘅子品牌 Lucky2，近期成日都大玩漫遊數據年卡，而最近其中有張涵蓋中國、日本、韓國、台灣以及澳門的 5G 年卡，就有了升級，加量不加價！想知詳情，睇下文啦！

Lucky2 五地年卡升級！加量不加價！

最近 Lucky SIM 子品牌 Lucky2 所推出的「中國、日本、韓國、台灣、澳門」五地 5G / 4G 年卡，就有新嘅升級，網店價 $168，原本係包咗 20GB 共用數據，而最近就宣佈加量不加價，由 20GB 升級至 25GB 高速共用 5G 數據，而用完 25GB 之後，則會限速至 512kbps 無限任用，但呢個速度如果一般覆下 WhatsApp，都相當夠用！

如果你之前買咗卡但未開卡，都可以即時享有呢個優惠，即日起生效。另外，呢張 SIM 亦有 eSIM 版本，不過 eSIM 版本就貴啲，收費要 $198。如果網友平時有用開呢張 SIM，呢個消息對你嚟講又係唔係好消息呢？



報價查詢：超譯儲值卡