香港支付寶 AlipayHK 宣佈支持政府公共交通費用補貼計劃
就在剛剛，AlipayHK App 就突然彈出通知，大概就叫我撳入去立即啟動「自動領取」公共交通費用補貼計劃，因為我手快快撳咗入去，具體文字內容我無 cap 到。撳到入去，就見到大大隻字寫住，AlipayHK 支持公共交通費用補貼計劃，中間位置有個藍色「立即啟動」按鍵，按進去可以啟動「自動領取」。
領取交通津貼需知事項
而下方仲有四個選項，包括「關於補貼計劃」、「交通補貼在 AlipayHK 下的運作」、「易乘碼使用教學」以及「交通補貼常見問題」。而版主就同大家歸納幾個重點，使用 AlipayHK 領取政府公共交通費用補貼計劃有乜嘢要注意嘅地方：001：手機要有 AlipayHK App (廢話)，並開通「易乘碼」功能。版主之前試過因為銀行退款嘅一些問題，導致足足成年都無得用到「易乘碼」，無法用來搭車，好彩而家解決了。
002：唔係今日即刻就有，佢入面條款寫明係由 2025 年 1 月 1 日開始，被納入至公共交通費用補貼計劃，市民毋須就計劃提出申請，亦不設年齡及入息水平限制。
003：市民可在每月 16 日起領取上個月的公共交通費用補貼。
004：涵蓋公共交通服務包括港鐵 (9 條重鐵路線)、城巴 (專營巴士路線)、九巴、龍運巴士、新大嶼山巴士、電車、天星小輪、愉景灣航運、新渡輪 (部分航線)、港九小輪 (部分航線)、富裕小輪 (部分航線) 以及部分綠色專線小巴路線。
005：機場快線、輕鐵、港鐵巴士、紅色小巴、街渡、鄒巴、員工巴士不包括在內。
006：未有啟動「自動領取」補貼的用戶，可於每月 16 日午夜 12 時後，點擊 AlipayHK App「交通補貼」頁面上的「領取補貼」按鈕，以手動方式領取補貼，補貼會存入 AlipayHK 帳戶的電子錢包。用戶可於三個月內進行點擊領取交通補貼，逾期無法取回。
