Meizu M8香港用家指南及使用心得
Meizu M8唔單止係內地好Hit，仲吸引到唔少香港用家購買。而我都心思左好耐，最近終於在淘寶網淘了回家，多謝人民幣1970，折約港幣2280左右，送埋上屋企，速遞人員好有禮貌，值得一讚。
若在淘寶購買，記得搵間信譽良好既公司，並以支付寶付款，購物較有保障。
若怕保養問題，亦可在香港買水貨，8G版價錢由$2300-2600港元都有，買時最緊要問清楚保養條款。
我買的是黑色M8公測版，送埋前後保護貼，背蓋，保護袋等等。開箱網上已經有好多，不過新出廠既機身已經改良，同舊版有少少分別。
好多店舖都會幫你預先安裝軟件，一買就用得。不過有部份軟件版本比較舊，基本上自己下載都得，一樣好方便。
如果想用繁體版，真係唔好意思，暫時未有，但介面支援簡體及英文。其實可以自己改繁體字體，方法仲好簡單，但可能睇唔到部份字。
使用心得
其實好多香港買家都會好擔心睇唔到繁體，打唔到繁體，send唔到短訊等問題，以下一一解答。
問:可以將介面改成繁體嗎?
答:可以，但是目時並不完善，其實簡體都一樣，唔影響使用。但英文介面有可能令部份軟件亂碼。
問:打唔打到繁體字?
答:內置的筆劃輸入法可以打到，速度都好快。網上亦有繁體速成，個人認為速度麻麻，唔夠筆劃方便。
問:send短訊失敗?
答:要在電話前+852 才可發送和顯示到名稱。
問:點樣先開到wifi?
答:其實好簡單，只要安裝左優化精靈，係入面既設定中開啟就得。
問:有咩軟件好用?
答: 1.優化精靈，必裝的軟件，可以啟用wifi,更改系統設定。
2.Mdict，用開WM既用家都知道，只要安裝埋字庫，就可以用到字典，百科全書等。
總結:WM手機的另一總感覺
以前用開WM手機，都覺得速度比較慢，鈴聲細，畫面一般，好多野要設定，用得耐其實都幾悶。但M8卻俾我感受到WM系統既另一種感覺，速度快，介面整潔，畫面靚，都係一般WM手機俾唔到的。加上系統不斷完善，運行速度越來越快及穩定，這些感覺不是其他手機能比的。拿上手後，M8的造工十分高水準，但通話質素則並不太理想，而且hang機的情況都有發生，往往都要拆電才能解決，希望係將來能更新改善。
以約2300元左右的價錢，能夠買到如此高質素的手機，的確十分超值。
