Magic外型靚仔，有別於一般智能手機，就算唔駛工作都會帶住佢。要打發時間，打機或者睇消閒資訊係本地用家指定動作之一。今次就介紹幾個消閒軟件及 Widgets，全部都可以在 Android Market 搵到，Magic用家快點 check it out！
▲ HTC Magic 是香港第一部 Android 系統智能手機，可以在 Android Market 下載大量免費消閒軟件。
▲Android 的主頁一開三，可以一版放工作相關的 Shortcut 或 Widgets，一版放消閒資訊，再加張靚Wallpaper，完全個人化。
001 隨時換Wallpaper
和其他手機不同，Android 介面的 Wallpaper為一張橫跨三個主頁的圖片，所以要自己 Cut Wallpaper 就要用橫度相。唔想重新搞過，Android Market 其實有好多現成圖片或是相關軟件下載。TodaysWal l為一個Wallpaper 資料庫，近乎每日都有新圖片加入，用家可以按喜好揀張圖片變成 Wallpaper，或是下載到手機備用。
▲TodaysWal l將圖片庫分門別類，貪新鮮的用家可以到「Latest」看看有咩新款。不過每次啟動程式都等於用流動上網，用 WiFi / 3G 連線後Download 定幾款會係個好方法。
002 串流聽歌
用Magic 聽歌，除了透過內置記憶體或 microSD 之外，亦可以用串流的方式，即時上網搵歌聽。現時好多音樂網站如 Last.fm 或 imeem 加入了社區功能，支援搜尋心水歌曲將之加入 Playlist，及可以和朋友分享歌曲。Imeem Mobile 可以和網上媒體庫同步，或是利用 Location 功能聽下附近用家 play 什麼歌。
▲除了聽自己playlist，用戶可以聽 Imeem 推介的 Playlist；按播放介面之中的「info」icon，可以瀏覽歌手資料，及由 Imeem 推介的相關歌手 Playslist。
003 強勁播放器
Magic內置的音樂播放器其實都有好多功能，不過Android Market都有不同音樂播放軟件下載，方便用家按需要加入自己喜歡的功能。子午播放器是一個功能強勁的多媒體播放器，一個player結合了播片及聽歌兩個功能，亦可用瀏覽器功能搜尋記憶卡內的多媒體檔案。除此之外，子午按放器支援自動歌詞搜尋，播片又支援字幕功能，以免費player來說十分不錯。
▲ 子午播放器支援即時搜尋歌詞功能，舊到 70 年代的歌曲都搵到，而且 Playlist 可以和內置播放器同步。播片睇字幕，只需將字幕檔名改成和影片檔名一樣就可自動讀取，十分方便。
004 隨時搵歌
好多 sell 音樂功能的手機都有「搵歌」功能，即是透過錄收音機、或者用手機收音咪錄一段音樂片段後，手機就會將資料upload指定的音樂庫作出比對，找出歌曲資料。Shazam 程式的功能正是如此，搵歌速度不錯，亦可以儲低搜尋 history，及可以即時到 Amazon 買歌。
▲Shazam 操作，和其他手機十分相似，透過收現場音搵歌。搜尋結果資料詳盡，仲可以去歌手的 My Space網頁，或者即刻買歌。
005 隨時chat
好多人揀手機時都會問「有無得玩MSN？」，可見 IM 已是Smartphone 的必要功能。Meebo IM 是其中一個免費的綜合 IM 軟件，支援MSN、Yahoo、Facebook等主要 IM client，支援聯絡人圖片顯示，亦支援 Emoticon等基本功能。
▲ Meebo 介面唔覆雜，可以逐個或者一次過 logic 所有account，支援顯示聯絡人圖片同資訊。Chat 介面就更加簡單，不過都有 Emoticon 及支援香港字，算係咁啦！
衝出香港搵食
近排機票好平，把握機會去遠行、旅行十分划算，不過最大問題是找尋食點及好玩點。buUuk係一個包括香港、東南亞、澳洲甚至中東國家如杜拜等的飲食資訊程式，可以用GPS定位、地方或是餐廳類別等條件「搵食」。熱心用家可以寫食評及將相片upload，而且唔駛開個新account，只需用twitter帳戶login即可，記少個password。
▲要搵食，用GPS搵附近食肆又得，亦支援輸入搜尋條件，仲有小地圖顯示。由於支援多個國家，所以只得英文介面。
007 本地化玩樂資訊
如果覺得還是中文介面比較好用，可以使用Google推出的Places Directory。Places Directory本身並無資料庫，主要透過身處的大約位置，將附近的不同設施分門別類。該程式最大的好處是支援中文，而且在不同地方，景點資訊及評語均和當地網站連繫，好似和香港食肆就和 Openrice 連結，食評夠多夠實用。
▲除了食肆，還有酒店及油站等資訊，去到外國玩自駕遊會好實用，不過當然要收漫遊 data 費用。
008 遊戲試用版
香港的Android Market找到的全為免費軟件，包括收費軟件的試用版或是LITE版。由於很多遊戲其實是收費軟件，用家暫時最好下載LITE版來止渴。Baseball Superstars 2009是一款十分精采好玩的棒球遊戲，玩時用虛擬手掣操作。LITE版雖然玩少一些角色，但都十分好玩，而且真正免費，一路玩一路等都未遲。
▲ 邊個話Android 無 Game？Baseball Superstars 操作簡易，介面幾靚，不過 LITE 版就無得打聯賽。
009 kill time小品
好多人返工坐車只需幾個站，太難玩的遊戲並不適合，此時玩minigame就可以幫忙打發時間。其實Android market都有好像啪啪紙或扑傻瓜等小遊戲download，再無聊少少可以將手上的Magic變成星戰的激光棒，揮動時可以發出聲音，不過小心玩得太忘形，坐車時嚇親其他乘客。
▲ Pop Pop Popcorn玩法超簡單，只要用最快時間用火燒熟所有爆谷，而又燶得最少就可以得分，仲可share分數上網。
▲ WhacAMole 利用 Magic 內的動態感應移動十字圓板，撞低小企鵝，最抵死係企鵝還會發出慘叫聲。
▲The Schwartz Unsheathed 將 Magic 變成激光劍，更可改變「激光」的顏色，揮動時又會有聲發出，十分搞笑。
010 有趣Widgets
Android機最特別的功能就是支援Widgets，只要在 Android Market 鍵入「Widget」搜索，就會發現很多不同類別的Widgets任你下載。一般Widget都是以顯示電池或是Wi-Fi訊號等為主，但只要細心找，就可以有不同發現。
▲馬季進入抖暑時間，大家當然會更加注意六合彩。六合彩Widget雖然只會顯示上期結果，不過買飛時當多個靈感亦不錯。
▲ Dilbert Daily Comics 放在桌面其實面積會細到看不到，但勝在可以放大，及每日用來輕鬆一下。
▲Bell Widge t完全為無聊而設，設定響聲後在桌面按相關 Widget 就會發出不同響聲，在餐廳無啦啦「叮」一聲包保有侍應走過來。
Click 入這裡 HTC Magic 有用軟件大搜羅：工作篇
Click 入這裡 過千軟件支援！HTC Magic 功能任加任安裝。
Click 入這裡 觀看 Andorid 中文第一機！HTC Magic 全能‧易用，有關於 HTC 的試用報告。
Click 這裡 有更多有更多 HTC Magic 詳細資料
