雖然大家未必人人記得，但其實版主 Keith 之前都同大家講過幾次 3G 頻譜會重新拍賣既事情。都幾直接影響到大家（尤其係用緊限速 3G 月費既網友），今日頻譜拍賣終於完成左啦，一如大家所料中國移動香港 CMHK 買到新既頻段，同時 SmarTone 都增加左頻段，不過 csl. 用家會唔會因此而受到影響呢？未來 3G、4G 發展，又係點？想知道更多詳情就入黎睇睇啦！
2100MHz 頻譜拍賣完成！數碼通、中國移動頻段增加！
頻譜拍賣關大家咩事？上次版主 Keith 都分析得好清楚，而家 4G 話音仍未普及既時侯， 2100MHz 除左上網之外都係各個台最大既話音頻段，而不少用家，也用限速上網計劃，主要也是用 3G 服務，有幾多段 2100MHz 頻段 對大家絕對有影響。今次拍賣的頻段總計有 49.2MHz ，由中國移動香港、和記電話 (即 3 香港）及數碼通三間公司投標。拍賣的結果如大家所預料，數碼通、和記電話 (3 香港) 都成功保住本來政府要求要放出來拍賣的 9.8MHz 2100 頻段 (自己買番) ，即係原有服務，不會有任何改變。中國移動香港 CMHK 投到了前 CSL 和 PCCW-HKT 在政府規定下，放出的 9.8 MHz + 9.8MHz 頻譜，由於 PCCW 在收購 CSL 時，講明放棄競投，所以真正 3G 服務會收影響的，應該是 PCCW + CSL 即係新 csl.、1010 及 Sun Mobile 的用家，因為它們在 2100 頻譜，會比以前少。
2100MHz 兵家必爭？數碼通、中國移動用「高價」投得！
如果對比番上次 2600MHz 既 4G 頻段拍賣，今次 2100MHz 頻段的價錢真係更加貴。本身底價都要 $4,800 萬/ 1MHz ，睇番 OFCA 既資料 A1 、 A3 都比起底價更加高，可以見到數碼通、中國移動香港都幾重視今次既競投，不過兩間公司支出都接近 10 億，睇怕成本有部份都會轉移到用家身上。（也就是會加價？）
版主分析 : 中國移動香港只投得雞肋 數碼通頻譜不再是最少
今次 2100 頻譜拍賣，有幾個要點網友可以留意。在 4G 年代，流動通訊講求頻譜越多越好，頻譜越多，才能提供更多人用到的上網服務。今次數碼通一改以往「唔肯洗錢的」的情況，除了買下自己本來的 2100MHz 頻段，亦買多了 10MHz 頻寬。留意一下，數碼通將會在 2016 年擁有 39.6MHz 的 2100MHz，絕對有能力把它改為 30MHz 的 4G FD-LTE 網絡，用來代替室內覆蓋不夠好的 2600MHz 頻段。因為數碼通也有 10MHz 850MHz 頻譜作 3G WCDMA，在 2016 年越來越多人用 4G 的情況下，他們勢可把客人升級至 4G。而版主收到風，數碼通很快亦會把 900MHz 改為 4G LTE，主打室內覆蓋，上網更快的 Carrier Aggregation Cat 6 4G LTE 網絡。而數碼通的 2600MHz 頻段，因為本身 2600Mhz 打入室內能力差，令室內覆蓋麻麻，難與跟他們作主打的 1800MHz 作 Carrier Aggreation Cat 6 4G LTE 網絡升級。另外，，數碼通會留作商業客戶類似固網的服務，暫時不會全面開通。
比較有趣，一直傳聞會用銀彈搶走大量 2100 頻譜的中國移動香港，今次只投了 19.6MHz，2100 頻段比起 csl、3 香港、數碼通的都要少，有點雞肋。而事實上，和記電話 (3 香港) 更用底價投回本來頻段，證明今次再拍賣，沒有出現有紅底公司搶高價事件。
不過大家要記住今次頻譜拍賣的底價是 「每 MHz 4800萬港幣」，心水清既網友都可以計得出三間公司花左以億計既資金落去拍賣，而競爭者沒有增加之下，睇怕下年電訊商都會 Keep 住加價
。大家亦要留意，呢個 2100MHz 到期日會在 2016 年，那麼還有接近 2 年的時間電訊商亦需要協調基建、頻譜支援等各方面，總之就係有大工程。網友們又點睇今次頻譜拍賣既結果呢？留言講講吧！