csl. 證實開通 900MHz 頻段！預計 2100MHz 頻譜減少影響不大！
首先要跟大家分享一個消息，就是 csl.今日正式承認開通了 900 MHz 的 4G LTE 頻段，這個頻段較低頻，所以相對於 1800MHz 與 2600MHz 更容易「入屋」，室內較容易收到。不過今日的 LTE-A 用到 20+20MHz 去行，究竟 900MHz 的 4G LTE 佔有幾多 MHz 呢？呢方面 csl. 就話答唔到我地，因為佢地既 900MHz 比較複雜，要兼顧到 3G 和 2G 部份，所以只能抽極少部份去做 4G LTE ，未必每一區都收到。不過大家又記唔記得版主 Keith 講過， SmarTone 亦會將 900MHz 轉做 4G LTE 之用，估計 900MHz 的 4G LTE 會愈來愈有用。當然，版主亦有問到在拍賣後，csl. 少了 29.6MHz 的 2100MHz 頻段，對用家來說影響大不大。因為他們在合拼的時侯已經承諾不會參與頻譜拍賣，所以一早為 3G 頻段的改變準備好，另外他們提到因為 3G 的用量只會愈來愈少，所以到了 2016 年 10 月回收頻譜時影響亦不會很大。
▲大家可以見到，現時 csl. 的 900MHz 頻段不算太多，亦有部份需要用來做 3G ，所以很難說動用到幾多來做 4G LTE
csl. 的 LTE-A 2015 年底全港開通！
今日大家都留意到，現時 csl. 支援到 LTE-A 的地區只有新界北，咁樣幾時先支援到自己住屋企呢？大家要留意一下， LTE-A 係需要同時接收到 1800MHz 與 2600MHz 先可以支援到，而 2600MHz 的穿牆能力不佳，屋企好難支援到就真。不過 csl. 承諾會每個月都有新的基站可以支援到，在 2015 年第一季首先開始新界東，然後再逐步推廣到九龍、香港等各區，預計在 2015 年底前就會全港可以覆蓋到 LTE-A 網絡，不過大家要留意港鐵內的覆蓋是要與港鐵公司合作，所以不包括在內啊！而首條支援到 LTE-A 的港島西線是由 HKT 去建造，不過其實是與其他電訊商合用的，所以其他台在港島西線都可以收到 1800MHz 與 2600MHz 的頻段。
▲LTE-A 可以去到幾快？在現場測試下載速度有 280Mbps ，而上網有 31.63Mbps ，快現時很多倍對吧
做好準備！識揀要揀支援 900MHz 的 4G 機？
講完一大輪，究竟咩機可以支援到 900MHz 的 FDD-LTE？這當然要睇番 ePrice 的 Database 啦，版主就同大家數幾部機，例如 HTC Desire Eye 、Butterfly 2 、HTC One (M8) 、中階的 HTC Desire 816 、Desire 820 Dual SIM 都支援到； Sony 手機的話隨便選幾部都有，例如 Sony Xperia Z1、Xperia Z2 、Xperia Z3 三代旗艦 ，強調自拍的 Xperia C3 LTE 、Xperia M2 Aqua ，真的太多機支援 900MHz 。第一部支援到 Cat.6 制式的 Samsung Galaxy Note 4 也有 900MHz 頻段，不過 Dual SIM 版沒有，最新出的中階機 Galaxy A3 、 Galaxy A5 都是不支援的，想要平少少用到？可能就要搵 Galaxy S5 或者 Galaxy Grand 2 LTE 啦，LG 方面查過 LG G3 的單卡版是支援到的。如果將來更多台加入 900MHz 的 4G LTE 的話，雖然在頻譜不多的情況下其實速度不會太快，不過會幫到室內接收，你地又會唔會考慮入手支援既手機呢？留言講講吧！
▲ Sony 從 Xperia Z1 開始幾代的旗艦手機都支援很多頻的 FDD-LTE