![fb.jpg //timgm.eprice.com.hk/hk/mobile/img/2015-10/14/203549/keithyim_1_3145_4607f1e10d5d38329212c25398b58d3a.jpg](http://timgm.eprice.com.hk/hk/mobile/img/2015-10/14/203549/keithyim_1_3145_4607f1e10d5d38329212c25398b58d3a.jpg)
透過 NFC 交易,Tap&Go 安全性
再係到簡單講解下 Tap&Go 的內容先,呢個服務其實係透過手機嘅 NFC 及手機 App 以做到手機付款的平台。同時,支援 Tap&Go 的 SIM 卡本身已具 Master Paypass 功能,透過不同零售點嘅 Master Paypass 進行即拍即付款,也可以用作 Online Shopping 。同一般信用卡不同, Tap&Go 係用近似 Debit Card(扣賬卡)形式運作,用家係要在 Tap&Go 戶口有足夠金錢的情況下才能付款,而 Tap&Go 帳戶最多就只能儲存 $10000 港幣。不過, Tap&Go 實際上亦可以做到信用卡功能的,因為 HKT 跟大新銀行合作,令 Tap&Go 可以同大新嘅 MasterCard 信用卡作連繫扣數及掛帳。值得大家留意的重點來了,今次金管局點名要求暫停、回收及更換有問題信用卡的銀行之中,大新銀行正係其中之一。同時, HKT Payment (即負責 Tap&Go 業務的公司)亦係推出服務時提到,因為暫未有相關法例規管,所以目前 Tap&Go 係不需要向金管局領牌的。
版主就 Tap&Go 的安全性和 HKT 查詢,佢哋嘅回應就指出, Tap&Go 拍住賞的機制式,是不記名,用戶姓名並不會紀錄於拍住賞 SIM 卡。而因為 Tap&Go 拍住賞 現時必需透過 NFC 手機進行,用之前報章說的方法,想偷取資料嘅手機,要貼實有安裝 Tap&Go 手機並連住了相關 SIM,並要對到正 NFC 天線才能做到,難度極高。而且,每次透過 NFC 傳送資料,用家也會收到 SMS 通知,保安性好高。負責 HKT Payment 人員強調,因為用家亦可以透過關閉網上付款,要用時才開啟,就算有人真的知道你 Tap&Go 裡面嘅 Mastercard 號碼,也不能購買,而每次交易,用戶亦立即收到通知。