年滿 18 歲就無得用！csl 推中小學生 SIM plan，主打無需簽約？
其實今次版主要提的 csl 新 plan 並唔是比大人用，反而係主攻 18 歲以下的中、小學生，所以係條款上，跟大家平時接觸開的上台 plan 不同。其實呢個 SIM Plan 並不是上台 plan ，所以用家其實不用簽訂合約，亦沒有限最少要用幾多個月，反而要注意係一但年滿 18 歲，就不能再用。先講返 SIM Plan 內容，如之前所述，呢個中小學生 SIM Plan 有 2.5GB 可用、話音通話無限、 10000 個網內 SMS 以及無限 WiFi 用量同埋有個 傾 King 服務，計埋行政費月費就係 $116，比較原來 csl 2.5GB Plan 月費要 $256 ，無疑平得多。但好多朋友都會問，一般來講上台都要 18 歲以上同埋提交住址證明等等，咁中小學生 Plan 又係咩情況呢？版主都去過問，呢個中小學生 SIM plan 係以未滿 18 歲的學生為單位，要出 SIM 卡需要兒童身份證作為證明，而且每個身份證只可以出一個 SIM Plan 。另外，呢個 SIM Plan 還有不少要點大家可以留意，版主整理為下列 4 點。
1：中港學生 SIM Plan 只能用拍住賞付款卡繳付每月月費及服務費，而未滿 18 歲係一樣可以出到 Tap And Go 的。
2：如果學生年滿 18 歲，將不能享用月費回贈，即係價錢會收返正價 $256。
3：如果用爆左 2.5GB 數據，一樣可以加錢增加 Data ，價錢都係 $25 / 500MB ，$50 / 1GB。
4：數據增值沒有上限，但一樣要用 Tap And Go 付費。
唔知大家又覺得呢個中小學生 SIM Plan 價錢如何呢？留言講講啦！
▲以內容而言，其實中小學生 SIM Plan 同 2.5GB 4G 上台 Plan 其實差不多，不過平好多。
參考：csl 官網