聯合澳門 CTM！ csl 推「港澳連城」優惠抵唔抵？
再同大家重溫下 csl 推出的「港澳連城」通行證，簡單來講就係比客戶加完錢後，於香港同澳門共用 csl 服務計劃的通話分鐘、流動數據。（CMHK 嘅飛常大中華就唔同，唔駛加錢就係澳門上到網，不過無通話時間) ，當中 csl 分為需要申請（承諾期為 24 個月）的月費通行證，以及唔使申請，每日 $38 的單日通行證。開通左國際漫遊「港澳連城」自動生效，在澳門使用的通話分鐘、 4G 數據都會計入本來 csl 月費計劃使用量當中。據知有不少用家中招，一接收澳門電訊訊號就扣 $38。如果以月費來計，抵唔抵實在有幾大爭議性，因為每月加上 $138 「港澳連城」通行證服務費用之後，即使係用緊 2.5GB Plan 的朋友一個月開支閒閒地都差不多 $400（$256 月費＋通行證）。對於經常來往港澳兩地，都未必係平價抵玩的選擇。但係版主就發現到，原來港澳連城係有「另類玩法」，足足可以平一倍有多，每月慳到 $238！以下就講點解！
▲ csl 版本的「港澳連城」分為單日或者月費增值服務，價錢其實有點貴。
港人到澳門上台一樣無問題！CTM 澳門電訊 3GB 4G Plan 平一倍！
其實，話到明係「港澳連城」，除左 csl 客戶可以到澳門用到 CTM 澳門電訊的服務之外，同樣地澳門電訊都推出左「港澳兩地共用」數據 Plan，而且玩法都點不同。係澳門電訊 CTM 推出的「港澳兩地共用」服務來講，同樣地本身 4G 數據 Plan 客戶可以加 $138 申請「港澳連城」增值服務，價錢同香港 csl 差不多。但要留意，澳門電訊另外都推出左一個月費 $168，而且有 1200 通話分鐘以及 2GB 4G 數據的新 Plan。呢個 plan 特點就係兩地用量共用麼餘又不用額外加錢，所以每月開支相對香港 csl 其實平唔少！如果係 csl 用家，月費最平都要 $198，而且只係得 1GB ，要額外用到港澳連城仲要加多 $138，月費計埋要成 $354，比 CTM 月費貴一倍有多⋯⋯
問題來了，雖然 CTM 月費計劃比起香港吸引，但係香港人又能否享用呢？版主就查詢過，原來港人到澳門電訊 CTM 上台係沒有問題的，只需要滿足一定要求，以下係版主整理出的要點：
01：繳交 $1500 按金，不續約可以原銀奉還
02：無需澳門住址證明（不過仍需要證記地址，但又不用同物業持有人同姓名）
03：記得要登記 email address，用來寄賬單
04：最好預付月費，因為月費要親身到澳門交，自動轉帳都要用澳門信用卡
05：並不用額外繳付行政費，以月費 $168 的港澳 plan 為例，月費就係 $168
▲ CTM 版本的「港澳連城」除左一樣有每月 $138 的月費通行證，更有一個月費 $168 的 2GB Plan ，計落比香港平得多。
所以簡單來講，其實用一個「比起 csl 更平」而且又「用到 csl 服務」的港澳互通數據計劃，係有可行方法的！只不過係手續看來會麻煩少少，版主覺得一般港人其實唔值得咁樣做，但對於經常港澳兩邊走而且數據用量唔多的朋友而言， CTM 可能係一個比起 csl 更好的選擇呢！
更多有關 csl 新服務的文章：
澳門任用 Wi-Fi、數據免漫遊費! csl. 推港澳數據共用 抵唔抵?csl 另類減價! 新 Plan 百二蚊有 2.5GB + 無限 WiFi
無限上網同價鬥！csl 新 Plan vs 數碼通! 中伏位 教你睇
無限上網相關資料
無限上網，變面回歸! 3 香港 推 4G 1Mbps 全月任用
4G 無限上網免費升級！電訊商推上台 Plan 新優惠，抵玩嗎？
神卡出場：Lycamobile $68 / 10GB 上網