csl 反擊戰！LG、Samsung、Sony 旗艦同時劈價，最多減 $1600

Lawrence 2016-04-11 21:36 | Csl

之前手機劈價戰開始後，曾經有一段時間，「劈價焦點」並不在大鋪，而係以「淨機超激價」作招睞的 csl。當時無論係 Sony Z5 Premium 再減價還是 LG V10 「創新低」， csl 都有跟上大鋪，而且劈得更狠！近月 csl 已經無再更新過價錢，大家或者以為 csl 不會再劈價。想唔到，近日 csl 又再出招，一眾大廠旗艦機賣價又再平過大鋪，想知有幾平就要睇下文啦！

大鋪減完 csl 反擊！V10、Note 5、Z5P 全部有減！

好耐無再提過 csl 的「淨機超激價」，主要原因無非係 csl 追唔上市況啊！其實自從 S7 edge 開賣以及 LG G5 香港發表之後，大鋪已經慢慢將前代旗艦 Samsung Galaxy Note 5 、 LG G5 同埋 Sony Z5 Premium 價錢調低，而 csl 的淨機價卻一直沒有變。

不過近日情況就不同了，版主發現，三大牌子的旗艦係 csl 都有再減價，而且價錢比起大鋪更平！以 Samsung 的 Galaxy Note 5 為例，呢部機早前一個月內係大鋪連減兩次，做緊「即減 $1100」，32GB 版本賣價是 $4588。係 csl 方面，而家價錢已經落到 $4488 ，做到「即減 $1200」。同樣地，之前係百老匯暗減價的 Sony Z5  Premium 都唔例外，呢部 Sony 4K 芒旗籃價錢已經落到 $4698 ，而 csl 亦都跟上，價錢一樣係 $4698。

如果覺得 Note 5 同 Z5  Premium 都唔岩心水，咁 LG V10 就值得閣下留意啦！之前先提過百老匯同埋衛訊將 V10 減至 $4198 仲送埋電，想唔到價錢都係唔夠 csl 平。因為近日 LG V10 係 csl 已經落到 $4080 呢個價，但都係唔夠深水埗細鋪平，唔知 LG G5 正式賣街後， V10 會唔會進一步減價呢？


▲LG V10 淨機價來到$4080 ，再減多少少就跌穿四千呢個價位啦！


▲係淨機價減左之後，一眾旗艦的快閃價都有下調。（但好似唔係間間都改得切價錢呢）

在文章發佈時， LG V10 大鋪賣價為 $4198，按此看手機詳細規格及最新賣價。
在文章發佈時， Samsung Galaxy Note 5 32GB 版本 大鋪賣價為 $4588，按此看手機詳細規格及最新賣價。
在文章發佈時， Samsung Galaxy Note 5 64GB 版本 大鋪賣價為 $5288，按此看手機詳細規格及最新賣價。
在文章發佈時， Sony Xperia Z5 Premium 大鋪賣價為 $4698 ，按此看手機詳細規格及最新賣價。