中國大陸第三手機台 來港玩減價？ 中國電信 CTExcel 四月香港開台

Keith Yim 2017-03-23 17:02 | Csl

要數中國大陸三大手機網絡商，中國移動香港中就收購了香港萬眾，係香港推出服務好多年，仲因為被媒體評為網速比起 csl. 好，引起 csl. 嘅強烈反應，要挑機！另一間中國聯通香港，採用 MVNO 和記 3 香港嘅方式，提供以多地數據 Plan 嘅服務。而最後一間手機台中國電信 China Telecom，將會以 CTExcel 品牌，以 MVNO 方式，進軍香港，四月份大家就可以上台用得到。



CTExcel 國際品牌
中國電信對香港人來說，可能比較少人談論，因為佢地係中國大陸話音部份，採用 CDMA2000 制式，香港大部份手機都用唔到，要標明中國大陸「全網通」嘅手機先至可以打通中國部份嘅中國電信。但事實上，中國電信有一個中國以外嘅品牌，叫 CTExcel。CTExcel 係英國、法國與美國都有提供服務，方法就係 MVNO 虛擬網絡商，亦即係租借其他網絡絡，提供服務。係香港最出名嘅例子，就係香港寬頻。講番中國電信 CTExcel，佢地打算係 3 月 30 日係香港公佈服務計劃詳情。

版主收到消息佢地嘅租用網絡，會係 csl.

換句話說，用香港嘅 4G 手機，已可以用到中國電信 CTExcel 服務。到底，CTExcel 有無香港寬頻咁進取，值得大家留意。