csl Lucky SIM 數據速度全線升級至 100Mbps
Lucky SIM 係一間租用 csl 網絡嘅 MVNO 公司，呢個儲值卡品牌其實喺香港都推出咗好幾年，之前我會覺得佢定位係 3HK 萬能卡對手，後來慢慢會覺得，佢其中一個優勢係多樣化，服務計劃有效期短則 30 日，長則 3 年，任君選擇。唔單止有得 MNP 攜號轉台，而且月費計劃唔算貴，就以年卡為例，如果你單純諗住用嚟養號碼，連數據都唔用，$60 就可以用夠一年，我之前都有用過差唔多嘅養號碼 Plan，幾十蚊成年都唔使顧佢，但又有得收 SMS 同埋有通話分鐘，平均每個月都只係 $5，其實都算係相當方便。本身呢張 Lucky SIM 數據速度係 21Mbps，但最近佢哋幾乎將全線嘅 Plan 升級，數據速度提升至 100Mbps，速度快咗 5 倍 ── 除咗呢個 Plan，3 年 5GB 養號碼 Plan，速度維持 21Mbps 不變，不過既然呢個 Plan 定位係養號碼，3 年都係得 5GB 畀你，其實你都唔會在意，到底佢係 21Mbps 定係 100Mbps，反正都係得個擺，唔會用，而呢個 Plan 價錢係 $138，即係計返每年 $46，平均每個月 $4 唔使。
最後，下面呢幅圖，會畀大家睇到，現時 csl Lucky SIM 嘅計劃收費詳情：
報價查詢：超譯儲值卡