csl Lucky SIM 將推出 eSIM 版本
根據一間儲值卡店舖「超譯儲值卡」分享，csl Lucky SIM 嚟緊將會有新搞作，除咗會有新產品推出，更大受關注嘅消息，應該係佢就快會有 eSIM。而有網友聽到呢個消息，就表示「終於百X成材出 eSIM 喇」，可見其實 Lucky SIM 無 eSIM 呢個問題，一直係網友期待，但卻又一直失望嘅地方。咁「就快出」，即係幾時出？版主就問過，佢哋就估計今個月 (即係 8 月) 就會有，係仲有少少 bug 要 fix 咁話喎。呢個消息，相信對於唔少網友嚟講，都係一個唔錯嘅消息，亦係比較少有 MVNO 公司推出 eSIM，Lucky SIM 今次做到嘢！Lucky SIM 如果要用 eSIM，係需要買一張乜都無嘅 eMaster SIM，佢係一個用嚟管理 eSIM 嘅系統，只要將呢張電話卡插入手機，然後啟用管理 App，就可以隨時購買唔同 Lucky SIM Plan，最多可以登記 10 個號碼，就算唔支援 eSIM 嘅手機，都可以買 eSIM 使用。不過，目前 Lucky SIM 個 App 只限 Android 機使用，iOS 則用唔到。
來源：超譯儲值卡