中港澳三地共用數據 + 通話分鐘，唔使用 IDD
說的是中國電信，推出咗一個叫做「三地通」的服務計劃，所謂「三地」，唔使問都知道，當然係中國內地、香港以及澳門，而佢同其他網絡商最大不同之處，在於佢唔單止係數據可以三地共用，而且通話分鐘亦都可以共用，唔需要用 IDD 嚟打電話。不過，中國電信呢個月費計劃，包括的數據就相對較少，月費計劃由 $98 起，需要簽約 24 個月合約，最平的包 13GB 三地共用數據以及 300 共用通話分鐘，而最高的計劃月費為 $518，包 100GB 三地共用數據 + 600 共用通話分鐘。
另外，上台仲會免費送「一卡兩號」內地號碼，無論你用來開銀行戶口、CALL 車定係叫外賣，都可以用到呢個號碼去處理一切問題。至於行政費，抑或係其他來電顯示、來電等待、全套來電轉駁等功能，都會送埋。呢個 Plan，唔知網友們又有無興趣呢？
按呢度有更多詳情