說的是現代移動 MORE MOBILE，曾幾何時出名叫做「十激驚王」，用超過 10GB 就開始有伏，但而家好似比以前少人講起咗呢個 Terms，仲有無伏就真係見仁見智，我都好想有近一年有用過 MORE MOBILE 的網友，可以私訊版主同我分享一下最新體驗感覺。
MORE MOBILE 快閃優惠！$99 有 78GB 一年 csl 數據
不過最近見到佢哋推出咗快閃優惠，年卡個價錢相當吸引，可能我自己都會入返張親自試下伏，由即日起至 2024 年 10 月 31 日，只需 $99 就可以買到 4G LTE 年卡，不過無記錯呢個價錢唔係新嘢，最主要係呢張 SIM 由本來的 50GB，加送多 28GB，升級至 78GB，而加送 28GB 呢個優惠，優惠期至 2024 年 12 月 31 日，即係你買咗呢張 SIM 之後，最遲要年底就要開卡，咁先會有 78GB 數據，如果唔係，優惠可能之後就會完。另外，呢張 SIM 號稱其 4.5G 數據速度全面提升至 200Mbps，但實際係唔係真可以去到呢個速度，又或者係唔係 78GB 都可以 Keep 住呢個速度，就真係要試過先知道了。可隨時隨地追加數據漫遊數據
另外，呢張 SIM 係用 csl 網絡，而使用呢張 SIM 的用戶，亦都可以隨時追加數據漫遊計劃，包括 $168 / 8GB / 365 日的中國、澳門、台灣三地共用數據，以及 $198 / 8GB / 365 日的英國、澳洲、紐西蘭三地共用數據，即使身處海外，都可以經網上增值。唔知大家又對呢張 SIM 有無興趣呢？
報價查詢：HongKong Sim 香港咭檔