「組合價」入手紅米、華為 Honor 3C 平過上台？最平 $136 無限上網抵玩嗎？
之前同大家計過紅米上台價錢，最便宜的總支出接近 $3,000 ，計番每個月的最低月費是 $142 (1GB 用量），亦需要簽 12 至 18 個月的合約；至於華為榮耀 Honor 3C 上台總支出最低 $3,720， 雖然只有電訊商有得賣，但最近亦開放給大眾入手（版主問過，唔需要用戶都買到）。不過 PCCW 和 3HK 都推出不同的「組合價」作為另類選擇，究竟單買機、上台定係組合價比較抵？版主就同大家計過，組合價 1GB 月費扣除機價之後平均支出大約是 $111 ~ $116 左右，比起 CMHK 的 1GB 月費（$140）更平，是值得考慮的；而 3HK 的 3G 無限月費平均支出就在 $136 ~ $167 左右，如果用 3HK 組合價出紅米手機，比起單純簽約更加貴，就算是入手華為 Honor 3C 亦只平幾蚊，要講優勢的話就是合約期較短，對於用家來講比較彈性。版主問過 3HK 的店員，這個 3G 無限上網的條款和 $140 合約是相同，條款沒有寫明一定會限速，只是降低優先次序，實際如何就要用過先知啦。
順帶一提，兩個「組合價」的月費都是以 Prepaid 形式去進行，亦即係話不需要登記和綁約，中途停用／轉台亦沒有問題；如果不想一筆過全數支付的話亦可以進行免息分期，大家認為這種入手方式划算嗎？留言討論一下睇法吧！
| 電訊商 | 手機型號 | 價錢 | 數據量 （每月） | 有效月份 | 扣除機價平均月費 | 同用量上台月費＃ |
| 3HK | 紅米手機 | $1,999 | 3G 無限上網（1GB 公平用量） | 6 個月 | $166.7 | $140 （3HK) |
| 3HK | 華為 Honor 3C | $2,099 | 3G 無限上網（1GB 公平用量） | 6 個月 | $136.5 | $140 (3HK) |
| PCCW | 紅米手機 | $3,088 | 1GB | 18 個月 | $116.1 | $140 (中國移動）、 $188 (PCCW) |
| PCCW | 華為 Honor 3C | $3,288 | 1GB | 18 個月 | $111.6 | $140 (中國移動）、 $188 (PCCW) |
＃列出如果以帶機上台方式，同用量收費幾多，方便大家參考
3G 速度上網月費參考：
| 電訊商 | 月費 | 數據量 （每月） | 合約年期 | 總支出 |
| 3HK | $140 | 3G 無限上網（1GB 公平用量） | 15個月 | $2,100 |
| CMHK | $140 | 3G 無限上網（1GB 之後限速為 384kbps） | 12 個月 | $1,680 |
| 中國聯通香港 | $210 | 3G 無限上網（5GB 公平用量） | 24 個月 | $5,040 |
在文章刊出的時侯，紅米手機定價 $999，按此看詳細規格和最新賣價。
華為 榮耀 Honor 3C 於文章刊登時，售價為 $1280，按這裡有更詳細規格及最新賣價。
