4G LTE 月費取消「封頂價」！收費方式有變！額外用量小減價！
究竟 3香港 既月費有咩唔同？版主先同大家做個找錯處吧！睇番「上台出機」用量同埋相應既月費並無改變啊，不過留心睇一睇會發現冇左「每月公平使用量」同埋每月另加 $898 既封頂收費上限，即係話以後 3香港上台用戶額外收費就唔會「封頂」。收費方式亦都唔同左，當數據量就黎用完既時侯，系統就會發送 SMS 比用家通知佢地要買 Data ，避免「震撼帳單」，不過對於 20GB 以上既用戶，都係一種「變相加價」吧？不過 3香港 係額外數據量方面亦有調整，之前係 $100/10MB ，而家減價到 $90/1GB ，平左大約 10%
。實際上對用家影響大唔大呢？其實對於 500MB ~ 10GB 用量既網友黎講，額外收費減價係一件好事，真正大影響既就係一個月用 20GB 以上既高用量網友了。| 月費 | 數據量 | 額外數據收費 | 公平使用量 | 20GB 收費 | |
| 3HK （月費改變前） | $210 | 2GB | $100/10MB (上限 $898) | 20GB | $1,108 |
| 3HK （月費改變前） | $260 | 5GB | $100/10MB (上限 $898) | 20GB | $1,158 |
| 3HK （月費改變前） | $280 | 8GB | $100/10MB (上限 $898) | 25GB | $1,178 |
| 3HK （月費改變前） | $360 | 10GB | $100/10MB (上限 $898) | 25GB | $1,258 |
| 3HK （現在） | $210 | 2GB | $90/1GB | / | $1,830 |
| 3HK （現在） | $260 | 5GB | $90/1GB | / | $1,610 |
| 3HK （現在） | $360 | 10GB | $90/1GB | / | $1,260 |
▲找錯處 (1) ，左邊是 3香港 在上星期的月費，右邊是 3香港 今天的月費。取消了收費上限，亦沒有公平使用原則，代表不會再限速了，只不過就用得多，比錢亦多
▲找錯處 (2) 左邊是 3香港 在上星期的月費，右邊是 3香港 今天的月費。大家應該留意到 500MB 月費加價 $20 ，其他月費價錢冇變。而 8GB 月費亦都被取消了，要更大用量就要用到 $348 + 12 的 10GB 月費
取消限速無限 $69月費！3G 無限 $140 抵唔抵？
應該還有網友記得半年前 3香港的限速月費加價吧 ，今日再睇發現這個限速無限月費已經取消了，反而被 $140 的 3G 無限上網取代。這個月費頭 1GB 不設限速可以去到 42Mbps 的速度，之後就會受公平使用條款所限制，另外就有 1000 基本 +200 網內通話分鐘，比起其他電訊商的限速月費少得多啊（雖然未必用得完就是了
）。順帶一提， 3 香港既 3G 網絡亦有被中國聯通香港租用 (對呀，中國聯通中前已改用 3 香港網絡)，中國聯通香港有個 $200 既無限上網 3G 月費，不過就要去到 5GB 先執行「公平使用原則」，變相比多 $60 有多 4GB 使用，如果認為 3G 夠用其實都可以考慮一下。
▲ 3香港的限速 3G 無限月費已經被取消，店員都推薦 $140 的月費，大家認為划算嗎？
▲中國聯通有兩種 3G 月費計畫其中 $188 + 12 有無限 3G 用量，不過仍然有 5GB 既「公平使用量」；而 $68 無限上網就只係 384kbps ， 都係有 5GB 「公平使用量」, 5GB 後可能限速。同樣都係用 3香港網絡.
網友齊齊傾： 高用量網友有難？其他網絡商會不會跟著「加價」？
版主 Eddie 之前都分析過， csl. 合併最大影響既就一定係 10GB 以上既用戶，而 3香港取消封頂最大影響既都係每個月用 10GB 以上既網友，相信習慣 4G LTE 之後，大家既用量只會多唔會少吧，而今次網絡商變動對於唔少網友（包括版主們）來說影響都唔細。係前一篇文章我分析過，用 20GB 既用量既話係 CMHK 同埋 SmarTone 比較划算，大家認為佢地唔會跟隨市場而「加價」？定係大家會今日開始用少啲 Data 呢？
▲這是 3香港今日的官方回應，他們留意市場發展，而那個發展是不是代表超過 10GB 用量消息就開始貴呢？
想睇番 PCCW x One2Free 合併成為 csl. 既消息，可以 Click 入：
新 csl. 價錢、服務、網絡大更新！網友必讀 8 件事！
