3 香港「悅換悅新 Flexi Pass 」一站式 彈性換機新約
3 香港最近推出「悅換悅新 Flexi Pass 」，睇個名你唔係好知佢講乜，但其實對 iPhone 用家係一個好新鮮嘅上台計劃方案。它用番 3 香港嘅 iPhone 6 與 iPhone 6 Plus 上台計劃，其中包括零機價上台方案，唔似得其他台是另外做一個月費出來，亦唔會有零機會出機方案嘅。係上台計劃裡面，你可以選擇「悅換悅新 Flexi Pass 」呢個增值服務，每月俾 $28。只要你比足六個月，由第七個月起至十五個月，你可以將本來嘅 iPhone 6 或 iPhone 6 Plus 退番俾 3 香港，就可以另簽合約購買新 iPhone。由家陣計起，六個月後就係九月至十月期間，即係新 iPhone 推出之時！選用「悅換悅新 Flexi Pass 」每月俾多 $28，第七個月再換新 iPhone，有乜著數先？首先，你之前出機嘅預繳，係可以用來扣減新 iPhone 嘅預繳。即係以前出新 iPhone 你要由頭俾過畢出機預繳，用左「悅換悅新 Flexi Pass 」嘅你，預繳會少左一畢，一次過唔駛比咁多錢。另外，之前合約會一畢鈎消，只計新合約，唔駛跟網絡商談幾年戀愛，真係比較靈活!
仲係唔明？我地用 Point Form 加圖表同你地解釋清楚：
• 「悅換悅新 Flexi Pass 」每月俾 $28。• 第 7 至 15 個月期間，可另簽合約購買新手機 ，係呢一刻，會係指 iPhone 6 與 iPhone 6 Plus 及未來嘅新 iPhone。
• 當買新 iPhone 時，會收回你上台時購買嘅 iPhone。
• 買新 iPhone 嘅新預繳，會扣除之前部機未退回嘅數目，即係出機唔駛俾咁多錢。
• 買新 iPhone 後，之前舊 iPhone 嘅餘下合約，會被取消。
• 適用於 3 香港上台選購 iP h o n e 6 及 iP h o n e 6 Pl us 嘅新客戶及特選現有客戶。
平過係先達 Trade In
究竟用 3 香港嘅「悅換悅新 Flexi Pass 」係咪抵先？經愛計爛數嘅筆者一算，只要你真係今年九月十月期間轉用全新 iPhone，跟據以往 iPhone 回收價嘅往續，筆者計過，會抵過你去先達放機，再係網絡商上台。齊齊睇睇下面表格。| 月費 ( $0 機價計劃） |
預繳 |
每期回贈 |
6 個月 預繳餘額 (a) |
FlexiPass 月費 6 個月 (b) |
3 香港預繳回扣 (a) - (b) |
| iPhone 6 (16GB) 2.5GB |
$5,580 | $232 | $4180 | $168 | $4,012 |
| iPhone 6 (64GB) 6GB |
$6,380 | $266 | $4,785 | $168 | $4,617 |
| iPhone 6 (128GB) 10GB |
$7,180 | $300 | $5,385 | $168 | $5,217 |
| 月費 ( $0 機價計劃） | 預繳 | 每期回贈 | 6 個月 預繳餘額 (a) |
FlexiPass 月費 6 個月 (b) |
3 香港預繳回扣 (a) - (b) |
| iPhone 6 Plus (16GB) 6GB |
$6,380 | $266 | $4,785 | $168 | $4,617 |
| iPhone 6 Plus (64GB) 10GB |
$7,180 | $300 | $5,385 | $168 | $5,217 |
| iPhone 6 Plus (128GB) 10GB |
$8,080 | $336 | $6,060 | $168 | $5,892 |
上面兩個表係代表 3 香港部份 iPhone 6 / iPhone 6 Plus 不同容量嘅 $0 機價上台連月費計劃預繳與回贈分佈。如果你依家係 3 香港出 iPhone 6 / iPhone 6 Plus ，再用 3HK 的 Flexi Pass，最後一行「3 香港預繳回扣」就係第七個月，由即日計，即係今年十月份左右啦，再買全新 iPhone，3 香港會係你新預繳金額中，回扣嘅金額。
只要十月份，iPhone 6 與 iPhone 6 Plus 係旺角先達或其他收機地方，回收價低過呢個價錢，你就會有賺。我地跟據以前 ePrice 網站，係新一代 iPhone 推出時，舊 iPhone 回收價，多數四千以下作估計，即日係 3 香港出 iPhone 6 或 iPhone 6 Plus，再係六個月後透過 FlexiPass 幫親返 3 香港出新 iPhone ，真係有著數。就算回收價差少少，記著 Flexi Pass 出機係會取消舊合約，合約短左，都已經著數啦。
唔轉新 iPhone 都可以轉平價計劃
新 iPhone 會係點，無人知。若果覺得新 iPhone 唔合心意，其實只要你繼續供每月 $28 嘅 「悅換悅新 Flexi Pass 」，係第 16 個月起，就可以轉簽 SIM 月費計劃的合約。SIM 月費一直都比較便宜，即係提早減月費。同樣，「悅換悅新 Flexi Pass」更改合約後，舊機的合約立即解除。最後一提，今次筆者同你用 iPhone 去計「悅換悅新 Flexi Pass」抵唔抵，日後或或拓展至上台選購其他智能手機的客戶，大家要留意啦。
資料由客戶提供